Franz Oexle
Dr Franz Oexle (* 10. Dezämber 1922 z Iberlinge; † 25. Merz 2018 z Gottliebe, Thurgau, Schwyz) isch e dytsche Schurnalischt un Schefredakteur vum Südkurier gsii.
Lääbe
ändereDr Franz Oexle isch z Iberlinge am Bodesee ufgwachse. Syni Vorfahre stamme vum Große Haibärg uf dr Schwebische Alb un vu Kreenheinstetten bi Semmerenga. Ain vu syne Ahne isch dr Ordesgaischtli un bekannt Barock-Schriftsteller Abraham a Sancta Clara (Johann Ulrich Megerle) gsii.[1]
As Soldat im Zweete Wältchrieg isch dr Oexle z Russland un z Frankrych gsii. Noch em Chriegsänd het er vu 1945 bis 1951 Germanischtik, Philosophy, Änglisch un Gschicht z Fryburg, z Dibenga un z Basel studiert. Är isch anne 1950 an der Universitet Fryburg mit dr Dissertation Wielands Begegnung mit dem Sturm und Drang zum Dr. phil. promoviert wore. 1953/54 isch er as Postdoc an dr University of Oregon gsii.[1][2] Ab 1964 isch er Dozänt am Internationale Inschtitut fir Schurnalismus in Entwickligsländer mit em Schwärpunkt Oschtasie gsii.[3]
Dr Oexle isch anne 1951 in dr Dienscht vu dr Konschtanzer Dageszytig Südkurier yydrätte un isch Bolitikredakteur, speter Schef vum Dienscht gsii. Anne 1966 het dr Oexle in dr Noofolg vum Alfred Gerigk dr Poschte vum Schefredakteur vum Südkurier ibernuu. Im Johr 1987 isch er in dr Ruestand gange un het an sy Noofolger Gerd Appenzeller ibergee.[1][2] Vu 1988 bis 1992 isch er Mitrusgäber vum Südkurier gsii.
Anne 1988 isch er mit em Bundesverdienschtchryz vum Verdienschtorde vu dr Bundesrepublik Dytschland uuszaichnet wore.[2]
Schrifte
ändere- Die Inseln im Bodensee: Lindau, Mainau, Reichenau, Herrsching, Luzern 1984, ISBN 3761106599.
- Der Bodensee, Siegloch Edition 1985
- Wohin führt die Reise? Wegbeschreibungen, Verlag des Südkurier Konstanz, 1982
- Japan – Geheimnisse eines Wirtschaftsriesen, Verlag des Südkurier Konstanz, 1982
- Journalisten und die Bilder in unseren Köpfen. Glanz und Elend des Nachrichtenhandwerks, Universitätsverlag Konstanz 1993, ISBN 3879404623
- Der Grenzgänger. Wegstrecke eines Chefredaktors in diesem Jahrhundert (Erlebtes aus sechs Jahrzehnten 1932–1992), Verlag des Südkurier Konstanz 1999
Weblink
ändere- Literatur vu un iber Franz Oexle in dr bibliografische Datebank WorldCat
- Suech no "Franz Oexle" in dr Dytsche Digitale Bibliothek (DDB)
Fueßnote
ändere- ↑ 1,0 1,1 1,2 Dieter Löffler: „Weltoffen und der Heimat verbunden: Zum Tode des früheren Chefredakteurs Oexle“, Südkurier vum 31. Merz 2018
- ↑ 2,0 2,1 2,2 Traueranzeige Franz Oexle im Südkurier vum 31. Merz 2018 (Memento vom 1. April 2018 im Internet Archive)
- ↑ Journalisten und die Bilder in unseren Köpfen, Universitätsverlag Konstanz 1993
|
Dä Artikel basiert uff ere fräie Übersetzig vu dere Version vum Artikel „Franz_Oexle“ vu de dütsche Wikipedia. E Liste vu de Autore un Versione isch do z finde. |