Fritz Brühlmann
Dr Fritz Brühlmann (* 26. Juli 1936[1] z Schafuuse[2]; † 9. Juni 2022 z Züri[2]) isch e Schwyzer Fahrradmechaniker gsii. Anne 1972 isch er dr eerscht hauptamtlige Mechaniker vu dr Schwyzer Nazionalmannschaften im Radsport wore, des isch er mit Unterbrich bis zur Bahn-EM 2015 z Gränche blibe.
Karriere
ändereDr Fritz Brühlmann isch uf eme Buurehof ufgagse un het Mebelschryner glehrt. Im Alter vu 17 Johr het er as Amateur aafange Laischtigsradsport drybe. Am liebschte isch er uf dr Bahnränne – Sprint, Pinktfahre, Mannschaftsverfolgig un Zwaier-Mannschaftsfahre – uf dr Uffige Rännbahn Züri-Oerlike un im Zürcher Hallestadion gfahre.[3]
No syre aktive Radsportzyt het dr Brühlmann zeerscht in sym Beruef gschafft, wun er glehrt ghaa het. Anne 1967 het en dr domolig Schwyzer Nazionaltrainer Oscar Plattner bäte, bi dr Guatemala-Rundfahrt no dr Reder vu dr Schwyzer Nazionalmannschaft z luege. Aafangs het er in Dailzyt fir dr Schwyzer Radsportverband gschafft, ab 1972 isch er sällem sy eerschte hauptamtlige Mechaniker fir d Nazionalmannschafte in dr verschidene Diszipline wore. Syterhär hän Athlete, wu är no dr Reder gluegt ghaa het, iber 170 Medaille bi Olympischen Spiil, Wält- un Europamaischterschafte gholt,[2] är sälber isch bi iber 100 internazionale Wettbewärb as Nazionalmechaniker vor Ort gsii. Är het au sälber mit Neuerige an dr Rennreder umebäschtelet un het z Züri ne aigeni Wärchstatt ghaa, wun er Reder böue het.[3] Im Schweizer Radsport galt der «Nati-Mech» Fritz Brühlmann als «Legende».[4]
Sy letschte Yysatz fir Swiss Cycling het dr Brühlmann bi dr UEC-Bahn-Europamaischterschafte 2015 z Gränche ghaa.[2] Är isch am 8. Juni 2022 im Alter vu 85 Johr z Züri gstorbe.[2]
Weblink
ändere
Commons: Fritz Brühlmann – Sammlig vo Multimediadateie- Interview with Fritz Bruehlmann. September, 2012. Speedbicycles, abgruefen am 16. Oktober 2015 (englisch).
- Wärbig mit em Fritz Brühlmann
- Porträt Fritz Brühlmann. In: srf.ch. 2015, abgruefen am 11. Juni 2022.
Fueßnote
ändere- ↑ Championnats Juniors sur Piste. Centre Mondial du Cyclisme Aigle 14.–15.6.2014. Archiviert vom Original; abgruefen am 16. Oktober 2015 (französisch).
- ↑ 2,0 2,1 2,2 2,3 2,4 Der legendäre «Nati-Mech» ist gestorben. In: Swiss Cycling, 10. Juni 2022.
- ↑ 3,0 3,1 Portrait Fritz Brühlmann. nati-mech.ch, archiviert vom Original; abgruefen am 16. Oktober 2015.
- ↑ Zwei Medaillen zum Geburtstag. Swiss Cycling, 27. Juli 2014, archiviert vom Original; abgruefen am 16. Oktober 2015.
|
Dä Artikel basiert uff ere fräie Übersetzig vu dere Version vum Artikel „Fritz_Brühlmann“ vu de dütsche Wikipedia. E Liste vu de Autore un Versione isch do z finde. |