Gebrauchsanweisung für Stuttgart
| Dialäkt: Schwäbisch |
Des Buach Gebrauchsanweisung für Stuttgart mit seine 224 Seida vo dr Stuegerter Journalischdin ond Regional-Krimi-Autorin Elisabeth Kabatek ischt ois vo-ra ganza Roihe vo Werk, wo dr Piper Verlag rausgeit ond wo älle mit Gebrauchsanweisung für … ôôfanget. Mit dera Biacher-Serie werdet älle megliche Lender, Regiona ond Städt em En- ond Ausland emma entressirda Leaser näher brôcht. Jedes vo selle Werk hôt a bissle ebbes vo-ma Reisefihrer, ischt abr koiner, denn erschdens fehlet d Bilder, zwoidens a Regischder ond driddens isch der Tekscht et emmer neitral, sondern meischdens ganz persenlich, lakonisch ond ironisch.
Wen schbricht des Buach ôô? ändere
En erschder Linie wendet sich des Buach an dia Leit, wo Stuegert an lengera Bsuach abschdadda oder gar deet nôhziha wellet. Aber au a Mensch, wo scho lang z Stuegert wohnt, kôô villeicht aus deam Werk ebbes erfahra, wo-nr noh et kennt, oder er kôô nôch dr Lektiire ebbes, was-em ganz vortraut erscheint, meglicherweise mit nuie Auga seha.
Thema ändere
D Elisabeth Kabatek gôht ondr andrem uff de folgende Thema ei:
- Klischees ibr de schwäbisch Kehrwoch ond was dô drô wôhr ischt,
- Stuegert mit seine Märkt ond andre Eikaufsmeglichkeida,
- Brezla ond andre Schbezialideeda, wo mr en dera Stadt gern isst,
- Beasawirtschafda, Waldheim ond andre Eikehrmeglichkeida,
- Wander- ond Ausflugsziil,
- Stuegert ond sei Kuldur, hauptsächlich s Stuegerter Ballett,
- Stuegert ond sei Mineralwasser,
- Heiligs-Blechle-Stadt (Mercedes ond Porsche),
- Stuegert 21
Lueg au ändere
- Anton Hunger: Gebrauchsanweisung für Schwaben
- Thomas Küng: Gebrauchsanweisung für die Schweiz
Litradur ond Quell ändere
- Elisabeth Kabatek: Gebrauchsanweisung für Stuttgart, Piper Verlag GmbH, München 2012, ISBN 978-3-492-27614-6