Gilberte de Courgenay

D Gilberte Montavon (eigetli Gilberte Schneider-Montavon) – me kännt se i de Schwiiz hüt under em Naame Gilberte de Courgenay – isch am 20. März 1896 z Courgenay im Jura (dozmol no im Kanton Bärn) uf d Wält cho und am 2. Mai 1957 z Züri gstorbe. Si het im Bahnhofhotel, em Hôtel de la Gare, wo irnen Eltere ghört het und a dr internazionale Ysebaanlinie vo Bärn uf Belfort stoot, serviert und isch im Eerschte Wältchrieg bi de Soldaate vo dr Schwiizer Armee wytume bekant woorde.

Gilberte Montavon
d Gilberte de Courgenay mit es baar Soldate

D Milidärmusiker Robert Lustenberger und Oskar Portmann händ ane 1916 für sii s Lied La petite Gilberte de Courgenay dichtet und komponiert, wo bim Milidäär schnäll populäär woorden isch. Dank em Sänger und Volchsliedersamler Hanns In der Gand het me das Lied gly i dr ganze Schwiiz kännt.

D Gilberte Montavon het spööter ghüroote und isch uf Züri ggange, wo si 1957 gstorben isch. Me het se uf em Zürcher Fridhof Nordheim begrabe.

S Lääbe vo dr bekante Servierdochter us em Jura isch s Thema vom ene Theaterstuck und eme Roman worde, wo dr Rudolph Bolo Mäglin 1939 gschribe het. Uruffgfüert worde isch das "Singspiil" am 24. August 1939 am Schauspilhuus Züri, numme ei Wuche vor Kriegsbeginn. Bis hütt hets das Stück uf über 450 Uffüerige brocht. Gfolgt sin 1941 zwöi Film, em August Kern sis Wärch Marguerite et les soldats und em Franz Schnyder sin Film Gilberte de Courgenay. Im Schnyder sim Film het d Anne-Marie Blanc (1919-2009) d Hauptrolle gspiilt und s Bild, wo me sech vo dr junge Frau us em Jura macht, prägt. Dr Film, wo vo dr Zürcher Praesens-Film AG gmacht worden isch, het am 17. April 1942 im Kino Urban z Züri d Urfuffüerig gha.

Literatur ändere

Weblink ändere