Alemannische Wikipedia

Giorgia Meloni

italiänische Politikerin und Minischterpräsidantin
Dialäkt: Mìlhüüserdiitsch

D’ Giorgia Meloni [ˈdʒordʒa meˈloːni] (* 15. Janner 1977 z’ Rom) ìsch a itàlianischa Politikera. Zitter’m 22. Oktoower 2022 ìsch sa d’ itàlianischa Minìschterpresidantin. Sa ìsch d’ äärschta Fràui, wo d’ itàlianischa Regiarung gfiahrt hàt.

D’ Giorgia Meloni ànna 2023
Ìn dr Giorgia Meloni ìhra Unterschrìft
Ìn dr Giorgia Meloni ìhra Unterschrìft

D’ Meloni ìsch zitter 2014 Vorsìtzenda vu dr Pàrtäi Fratelli d’Italia (FdI), wo àls postfaschìstisch ààglüagt wìrd. Zitter 2020 ìsch sa àui Presidantin vu dr Öiropàpàrtäi vun Öiropäischa Konsärwàtiiwa un Reformer (EKR). Ìm viarta Kàbinätt vum Silvio Berlusconi ìsch sa vu Mai 2008 bis ìm Nowamber 2011 Minìschtera fìr Jugend un Schport gsìì. Bii dr Pàrlàmantswàhl ànna 2022 ìsch sa d’ Schpìtzakàndidààtin vun ìhrer Pàrtäi gsìì; ìhra Pàrtäi ìsch àls schtärkschta Kràft üss dr Wàhl härvorgànga. Àm 21. Oktoower 2022 ìsch vum Schtààtspresidant Sergio Mattarella mìt dr Bìldung vu dr Regiarung beufftrààgt worra.

ìhra Jugend un Fàmìlia

ändere

D’ Meloni ìsch mìt ìhrer ältra Schwäschter Arianna bii ìhrer Mutter ìm Viartel Garbatella z’ Rom uffgwàcksa. Ìhr Vàtter, dr Francesco Meloni, ìsch a Schtiirberooter gsìì, wo üss Sàrdinia schtàmmt hàt.[1][2] Wu d’ Meloni ain Koohr àlt gsìì ìsch, hàt dr Vàtter d’ Fàmìlia fààraloo un ìsch uff d’ Kànàrischa Ìnsla üssgwàndert. D’ Meloni hàt därt jeeds Joohr ìhra Vàtter besüacht, àwwer noh-n-em lätschta Besüach ànna 1989 hàt sa mìt em uffgreegt un hàt dr Kontàkt àbgebrocha.[3] Ìn’ma Interview ìm Joohr 2006 hàt sa gsajt, àss ìhr Vàtter a ìwwerziigter Kommünìscht gsìì ìsch.[4] D’ Trännung vun em ìsch a groossa Verlätzung fìr sìe gsìì, wo sa ärscht Joohra schpeeter ìwwerwunda hàt. Sa hàt gsajt, àss dàs Ärlaabniss ìhra „kampferischa“ Kàràkteer waasentlig gepräägt hàt.[3] Ìhra Müatter, Anna Paratore, hàt üss Sizilia gschtàmmt. Sa ìsch ìm neofaschìschta Movimento Sociale Italiano un schpteer ìn dr Pàrtäi Alleanza Nazionale taatig gsìì.[5] D’ Müatter hàt unter’m Psöidonüüm Josie Bell ìwwer 140 Liawesromààna verfàsst.[6]

Mìt 15 Joohra-n-ìsch d’ Meloni Mìtglììd vu dr Jugendorgànisàzioon vum Movimento Sociale Italiano, dr Fronte della Gioventù, worra.[7] Sa ìsch ìns Gümnààsium gànga, wu sa Schproocha glarnt hàt un sehr güata Noota bikumma hàt.[8] Àls Schialera hàt sa d’ Protäschtbeweegung Gli Antenati („d’ Vorfààhra“, dàs ìsch àwwer àui dr itàliaanischa Nàmma vu dr Zaichatrückseria Familie Feuerstein) orgànisiart un glaita, fìr geega d’ Schüalreform vu dr chrìschtdemokrààtischa Unterrìchtsminìschtera Rosa Russo Iervolino protäschtiara. Ànna 1996 hàt sa noch a Schproocha-n-üssbìldung àn’ra Hotelfàchschüal àbgschlossa. Sa hàt zittwìllig àls Källnera, Bàrfràui ìn dr Diskothek Piper un àls Kìndermaidla ìm Hüüshàlt vum Schowmaischter Fiorello gschàfft.[9] Zitter 2006 ìsch sa biim Schurnàlìschtaverbànd vum Latium regischtriart.[10] Vu 2004 bis 2006 hàt sa fìr d’ Zittung Secolo d’Italia gschàfft.[11]

D’ Meloni reedet naawa Itàlianisch fliassend Anglisch, Frànzeesch un Schpàànisch.[3] Sa labt ìn’ra Pàrtnerschàft mìt’m Schurnàlìscht Andrea Giambruno, mìt wällem sa a Tochter hàt.[12] Sa ìsch reemisch-kàthoolisch.[13] Ìhra Schwaschter Arianna ìsch mìt’m Minìschter Francesco Lollobrigida verhiiroota, wo eewafàlls Mìtglììd vu dr Pàrtäi Fratelli d’Italia ìsch.[14]

d’ Biacher, wo sa gschrììwa hàt

ändere
  • Noi crediamo. Viaggio nella meglio gioventù d'Italia. Sperling & Kupfer, 2011, ISBN 978-88-200-4932-4.
  • zamma mìt’m Alessandro Meluzzi un dr Valentina Mercurio Mafia nigeriana. Origini, rituali, crimini. Oligo Editore, 2019, ISBN 978-88-85723-25-2.
  • Io sono Giorgia. Le mie radici, le mie idee. Rizzoli, 2021, ISBN 978-88-17-15468-0 (italienisch, 326 S.).
    • ìns Frànzeescha-n-ìwwersätzt unter’m Tìtel Mon itinéraire : autobiographie d'une leader politique conservatrice. Chora, 2022, ISBN 978-88-314-1405-0 (350 S.).

Lìteràtüür

ändere
uff Diitsch
uff Itàlianisch
  • Francesco Boezi: Fenomeno Meloni. Viaggio nella «generazione Atreju». Gondolin, Verona 2020, ISBN 978-88-98647-76-7 (italienisch).
  • Francesco Giubilei: Giorgia Meloni. La rivoluzione dei conservatori. Giubilei Regnani, Rom-Cesena 2020, ISBN 978-88-98620-82-1.
  • Meloni, Giorgia. In: Enciclopedia Italiana di scienze, lettere ed arti. Istituto dell'Enciclopedia Italiana (italienisch, treccani.it).
uff Anglisch
  • Barbie Latza Nadeau: Femme Fascista: How Giorgia Meloni became the star of Italy's far right. In: Femme Fascista: How Giorgia Meloni became the star of Italy's far right. Band 35, Nr. 2, 2018, S. 14–21 (jhu.edu [PDF]).
  • Michael Ray: Giorgia Meloni. In: Encyclopædia Britannica. Encyclopædia Britannica, Inc. (britisches Englisch, britannica.com).
uff Frànzeesch
  • Cyrille Louis: Giorgia Meloni, un an de révolution conservatrice à pas comptés. In: Le Figaro. 21. Oktober 2023 (französisch, lefigaro.fr [abgerufen am 20. Februar 2024]).

Weblìnks

ändere
  Commons: Giorgia Meloni – Sammlig vo Multimediadateie

Ainzelnoohwiisa

ändere
  1. ↑ Biografia di Giorgia Meloni. In: cinquantamila.it. 31. Mai 2012, archiviert vom Original am 27. Oktober 2022; abgruefen am 18. August 2022 (italiänisch).
  2. ↑ Giorgia Meloni: biografia, studi e carriera politica, curriculum. In: The Italian Times. 6. März 2020, archiviert vom Original am 27. Oktober 2022; abgruefen am 18. August 2022 (italiänisch).
  3. ↑ 3,0 3,1 3,2 Silvia Bombino: Chi è Giorgia Meloni: dal padre che se ne andò alla mancata laurea. Ritratto della donna che guiderà l’Italia. In: vanityfair.it. 26. September 2022, abgruefen am 28. September 2022 (italiänisch).
  4. ↑ Giorgia Meloni – Corriere Magazine. In: interviste.sabellifioretti.it. 7. Dezember 2006, abgruefen am 18. August 2022 (italiänisch).
  5. ↑ Giorgia Meloni nel 1996: “Mussolini è stato un buon politico, il migliore degli ultimi 50 anni”. In: La Stampa. 16. August 2022, abgruefen am 3. März 2023 (italiänisch).
  6. ↑ Lucrezia Carnevale: Anna Paratore, chi è la madre di Giorgia Meloni? Età, marito, figli, lavoro, scrittrice, libri, romanzi. In: DonnaPop. 27. Juli 2022, archiviert vom Original am 7. Oktober 2022; abgruefen am 26. September 2023 (italiänisch).
  7. ↑ Verso le Europee: i capilista. In: Corriere del Veneto. 9. Mai 2019, archiviert vom Original am 28. Juli 2023; abgruefen am 26. September 2023 (italiänisch).
  8. ↑ Giorgia Meloni, la nuova stella della destra italiana. In: Gente d’Italia. 8. August 2020, archiviert vom Original am 22. April 2023; abgruefen am 18. August 2022 (italiänisch).
  9. ↑ Giorgia Meloni: «Io militante ventenne e i Lego con la figlia di Fiorello». In: Corriere della Sera. 17. Januar 2013, archiviert vom Original am 14. November 2022; abgruefen am 26. September 2023 (italiänisch).
  10. ↑ Albo, Ordine dei Giornalisti del Lazio. Abgruefen am 26. September 2023 (italiänisch).
  11. ↑ La Meloni ha il futuro assicurato con la doppia pensione. In: Destra di popolo. Archiviert vom Original am 30. März 2022; abgruefen am 26. September 2023 (italiänisch).
  12. ↑ Andrea Giambruno, chi è il compagno di Giorgia Meloni: dopo la vittoria di FdI lei lo ringrazia dal palco. In: La Reppublica. 26. September 2022, archiviert vom Original am 7. Oktober 2022; abgruefen am 26. September 2023 (italiänisch).
  13. ↑ Meloni, non sempre condivido idee Papa. In: ANSA. 3. Februar 2020, archiviert vom Original am 13. März 2023; abgruefen am 26. September 2023 (italiänisch): „Sono credente, ascolto le parole di sua santità.“
  14. ↑ Vito Califano: Chi è Francesco Lollobrigida, cognato di Giorgia Meloni e big di Fratelli d’Italia: il nipote di Gina pronto per il governo. In: Il Riformista. 27. September 2022, archiviert vom Original am 19. Mai 2023; abgruefen am 26. September 2023 (italiänisch).
  Dä Artikel basiert uff ere fräie Übersetzig vu dere Version vum Artikel „Giorgia_Meloni“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Giorgia_Meloni&oldid=1049918"