Gorgos
De Gorgos (altgriech. Γόργος) isch de Soo vom messenische Fraihaitsheld Aristomenes. Wo sii Vatter vo kretische Bogeschütze gfange woren isch, isch de vonnere junge Frau bifrait wore und us Dank hett si de achtzeejöörig Soo Gorgos as Maa öberchoo.
Nochem Fall vo de messenische Bergfesti Eira isch de Gorgos zeme mitem Woorseger Mantiklos zom Aafüerer vo de messenische Uuswanderer wore. Er hett vorgschlage d Insle Zakynthos z erobere, de Mantiklos aber hett wöle uf Sardinie goo. Im End sind si uf Sizilie uusgwanderet.
Quellen
ändere- Pausanias 4.19.6; 4.21.2, 12; 4.23.2–9
Literatur
ändere- Benedikt Niese: Gorgos 8. In: Paulys Realencyclopädie der classischen Altertumswissenschaft (RE). Band VII,2, Stuttgart 1912, Sp. 1661 (Digitalisat).
