Mantiklos

De Mantiklos (altgriech. Μάντικλος) isch e messenische Woorseger gsii usem Gschlecht vo de Iamide. Sini Historizität isch nöd erwise.

Nochem Pausanias isch de Mantiklos de Soo vom Woorseger Theoklos, wo de messenischi Fraihaitsheld Aristomenes biroote hett. Noch de endgültige Niderlaag vo de Messenier hett de Mantiklos zäme mitem Gorgos, em Soo vom Aristomenes, d Messenier uf Sizilie gfüert. Nochdem die sich z Messana niderloo hend, söll de Mantiklos usserhalb vo de Stadt s Hailigtum vom Herakles Mantiklos gstiftet haa.

Do d Aagoobe bim Pausanias zom Tail widersprüchlich sind, isch di zittlichi Iironnig unsicher, do de Zweet Messenischi Chrieg im 7. Joorhundert v. Chr. gendet hett, de Anaxilas vo Rhegion aber chorz noch 500 v. Chr. glebt hett.

Quelle

• Pausanias: Raise z Griecheland 4.23.10; 26.3

Literatur

Christoph Auffahrt: Mantiklos. In: Der Neue Pauly (DNP). Band 7, Metzler, Stuttgart 1999, ISBN 3-476-01477-0, Sp. 831.