Theoklos

De Theoklos (altgriech. Θέοκλος, „Gottruem“) isch i de messenische Pseudogschicht de Woorseger vom Fraihaitsheld Aristomenes.

De Theoklos ghört zom Gschlecht vo de Iamide und isch e Noofaar vom Eumantis, wo zäme mitem Kresphontes uf Messenie choo isch. Er isch de Vatter vom Mantiklos. Vor de Schlacht bim Ebermool hett er s Opfer för d Messenier uusgfüüert.

Er isch denn zäme mit de Widerstandschempfer uf Eira und hett spööter de Fall vo dere Bergfesti vorgsie und da em Aristomenes verchündt. I de letschte Schlacht vo Eira hett er em Aristomenes groote, de uusweegloosi Champf abzbreche und mit de Messenier s Land verloo, wa de denn o gmacht hett. Er selber hett sich in Champf gstürzt und isch denn umchoo. Sii Soo Mantiklos hett denn zäme mitem Gorgos, em Soo vom Aristomenes, d Messenier uf Sizilie gfüert.

Quelle

• Pausanias: Raise z Griecheland 4.16.1; 20.1-21.11

Literatur

• Joseph Eddy Fontenrose: The Delphic Oracle. University of California Press (1978). ISBN 0-520-03360-4. S. 107