Guet Nacht Frau Seeholzer

Guet Nacht Frau Seeholzer isch es Theaterstück i drei Akte. Das Stück het der Arthur Lovegrove under em Titel Goodnight Mrs. Puffin veröffendlecht. Bekannt worde isch das Stück vorallem dür ds Schwyzer Fernseh.

Name

Ds Theaterstück het der Name vom Satz wo immer wider im Stück ufdoucht. Immer wider we d Frou Seeholzer söll use grüert wärde, heisst Guet Nacht Frau Seeholzer. Das isch ou im Änglische Originalstück derfall. Allerdings het der Lovegrove natürlech kei Schwyzer Name verwändet. Der Name Seeholzer mit der Schwyzerdütsche Fassig cho. Das drifft ou uf d Näme Hänggi, Habertür u Co zue. Die dörfte im Änglische Original äbefalls angersch lutte. Vo wäm die Schwyzerdütschi Übersetzig isch, isch unbekannt.

Handlig

Akt 1

Es geit uf Wiehnachte zue u bi der Familie Hänggi geit's i dene Tage gschäftig zue. Nid nur wäge Wiehnachte. D Hochzyt vo der eltischte Tochter Jaqueline mit em Viktor Habertür söll nämlech am Stephanstag statt finde. Der Vater Hänggi vo churz vor em Konkurs steit chunnt das ganz gläge. D Hürat bring nämlech mit sech das sys vorem Konkurs stehende Gschäft mit em Gschäft vo de Habertürs Fussioniert wird. D Hochzyt hätti ursprünglech nid am 26. Dezämber sölle statt finde. Da aber d Eröffnig vo der Habertürfiliale z Paris schnäller zuegangen isch het me das Hochzyt vorverleit.

D Familie Hänggi isch grat bim Tee drinke wo d Amalia Seeholzer bi der Familie lütet. D Huushältere mäldet der Bsuech vo der Frou a. Da aber niemer vo der Familie die Frou kennt wird zersch mal diskutiert läng u breit da drüber wär äch das könnti si. D Frou Seeholzer isch e chly e spezielli Frou u wir ou als solles beschribe. Überraschent isch das d Frou Seeholzer vo afanga jede mit Name kennt. Das sorgt ou bi der Familie für verwunderig. Ds erstune wird no grösser wo d Frou Seeholzer ou der Name vo Brütigam cha säge. Ahand vom Name vom Brütigam weis d Frou Seeholzer ou das sech i der Familie no nüt veränderet het. Wäret d Muetter Hänggi d Frou Seeholzer am liebschte wieder wetti los wärde, intressiert sech d Jaqueline sehr für das was die Frou z säge het. D Amalia git du z verstah das das planete Hochzyt nid stattfindet.

Nach dere eröffnig wott d Frou Hänggi d Amalia Seeholzer zum erstemal usem Huus schmeisse. Da derby fallt de ou zum erstemal der Satz wo däm Stück der Name gä het: "Guet Nacht Frau Seeholzer!" Da d Jaqueline nid lug lat u wott wüsse warum das das Hochzyt nicht söll statt ginde chunnt du us das d Frou Seeholzer tröimt het das dass i ds Wasser gheit. Das isch ou der grund wiso si jede Name kennt. Als nächsts cha d Frou Seeholzer vorussäge das bi der Familie es Telegram achound u d Verabredig zwüsch em Hans Brauchli u Niggi nid stattfindet. U churz druufabe trifft de das ou grad y. Um so meh das d Frou Seeholzer verzellt u zue trifft um so meh faht d Jaqueline der Frou Seeholzer afa gloube. Nume d Frag vo der Jaqueline warum genau das Hochzyt nid cha statt finde, das cha d Frou Seeholzer der Jaqueline nid säge. D erinnerige vo dem Troum si zu däm Zytpunkt no z Schwach. Nach d Frou Seeholzer achündiget das der Vater Hänggi heichämmi u das dermit erger verbunde isch versuecht d Muetter Hänggi di Frou erneut use z schmeisse. Doch der Vater isch schneller als d Muetter.

Ou der Vater gloubt der Frou Seeholzer nid. U es isch wider d Jaqueline wo Farbbechennt u klar stellt das d Frou Seeholzer meint ds Hochzyt findi nid statt. D Muetter hätti's lieber gseh das das thema garnid ersch uf e Tisch cho wär. Wo der Vater us versehe es Tassli verschlat, so wi's der d Frou Seeholzer vorusgseit het, merkt ou är das die Frou chönnti rächt ha. Nachdäm ds Huusmeitli ds Teeserfis ganz verschlat so wis d Frou Seeholzer tröimt het u d Emma Hänggi mit Chopfweh isch galige wil si sech z fescht ufgregt het, Entspannt sech es Gspärch zwüschem Heini Hänggi u der Amalia Seeholzer. Das Gspräch isch überlade mit Komplimänt. Wo die beide aber merke das der Niggi das Gspräch di ganz zyt verfolgt het änderet sech d Haltig u d Stimmig blizartig. D Jaqueline isch i der Zwüschezyt mit der Denise zäme bi der Schnidere wo z Chleid bracht het zu aprobiere. E Aruef beändet das Gspräch u der Stefan u der Viktor Habertür chündige sech a. Aschliessend besticht der Herr Hänggi d Frou Seeholzer damit si vergisst was sy tröimt het u wo die wott gheit der Helge vo der Wand im Gang.

Akt 2

Der zwöiti Akt faht nach em Nachtässen a. D Huushältere Tassli uf e Tisch stellt u sech d Emma Hänggi gwaltig über d Frou Seeholzer ufregt wo im Ougeblick nid da isch. Wäret em Kaffi wird wyter über d Frou Seeholzer gredt u es isch wider d Jaqueline wo sehr nachdänklech über die Frou redt. Si isch es de ou wo seit das si der Uftrit vo der Frou Seeholzer sehr spannent gfunde het will me nie genau gwüsst het was si als nächsts seit. Wäret däm Gspräch erfahrt me de ou, dass der Heini synere Frou agäh het, das d Frou Seeholzer gange syg wil er se lenger verhöhrt u si da derby zue gä heig das si sech gert heigi. Ou d Carla het chunnt ihri portion Seeholzer vom Heini ab über. Dä geit so wyt das d Carla droht z chünnde wenn är no mal zu ihre seit: "Carla! Sie dörfet das Wyb nie mi inne lo!" Aber ou d Carla würdi der Jop verliere we si d Frou Seeholzer no mal inne füehrt. Der Heini isch so druuf fixiert das Habertürs nid mit überchömme wär d Frou Seeholzer isch u was si gseit het, das d Wahrschinlechkeit i z unermässleche stigt, das usgrächnet är sech verquatscht.

Persone

• Amalia Seeholzer
• Jaqueline Hänggi (Eltischti Tochter)
• Denise Hänggi (Jüngschti Tochter)
• Niggi Hänggi (Sohn)
• Heini Hänggi (Vater)
• Emma Hänggi (Muetter)
• Huushältere vo der Familie Hänggi (Dä Name wariert je nach uffüehrig)
• Stephan Habertür (Vater vom Vicktor)
• Viktor Habertür

Figure wo im Stück erwänd wärde aber nid ufträte

• Albärt oder ou Albi Seeholzer (Maa vo der Frou Seeholzer)
• Susi Seeholzer (Tochter vo der Frou Seeholzer)
• Schorsch Wäber (Verlobte vo der Susi Seeholzer)
• Hans Brauchli (Fründ vom Niggi Hänggi)
• Wassermann (Vater vo der Frou Hänggi)
• Schnidere

Filmfassig

1969 het ds Schwyzer Fernseh e Theaterufzeichnig usgstrahlt. I der Houptrolle vo dere Züridütsche Fassig het me d Margrit Rainer u der Ruedi Walter gseh. Mit dere Ufzeichnig isch das Stück Schwyzwyt bekannt worde. Ds Theater isch im Bernhart-Theater z Züri ufzeichnet worde.

Wyteri Uffüerige

Im Januar 2014 het Theater Dietlike das Stück nöi ufgfüehrt. Inszeiniert worde isch es Andrej Togni. D Houptrolle het d Susi Avvanzino gspilt u der Werni Rohrer het d Rolle vom Vater Hänggi überno.

2019 het du d Theatergruppe Signou das Stück ufgfüehrt. Da derby isch z Stück modernisiert worde u het e Bärndütschi Übersetzig übercho.

Weblink

• Guet Nacht Frau Seeholzer D Uffüehrig vom Schwyzer Fernseh. YouTube