Margrit Rainer

D Margrit Rainer (* 9. Februar 1914 z Züri; † 10. Februar 1982 z Züri; geboore as Margrit Rosa Sandmeier) isch e schwiizerischi Schauspiilere gsi.

Läbe und Wärk

D Rainer isch as Fotolaborantin usbildet worde und isch denn wo si zwanzgi gsi isch, Mitgliid vom Cabaret Cornichon worde und bis 1959 bliibe. Si isch au an andere Chlaibühnene und mit Ansambel wie d Resslirytti, d Bärentatze und s Näbelhorn ufdrätte. 1959 isch si an s Theater am Hächtblatz gange.

Ihre hüfigst Theater- und Filmpartner isch dr Ruedi Walter gsi. Si het nit nume in Film gspiilt, sondern het au in e Hufe Theaterstück und Musicals wichdigi Rolle gha, so z. B. in Guet Nacht Frau Seeholzer, Holiday in Switzerland, Bibi Balù und Die kleine Niederdorfoper.

D Chansons, wo si (vor allem in de Musicals) gsunge het, hai Schwiizer Muusig- und Chansongschicht gschriibe: Helvetia im Himmel (1962), Ja d’Liebi macht eim riich (1975), Mis Chind (1968/1978), Quand on n’a pas ce qu’on aime (1952). Au mit em Ruedi Walter zsämme het si e baar Muusigufnahme iigspiilt.

D Margrit Rainer isch bim Film am Aafang under ihrem erste Ehename Pfister ufdrätte. Ihr letscht und langjöhrig Läbenspartner isch ihre Schauspiilerkolleg Inigo Gallo gsi.

Si isch uf em Friidhof Änzebüehl z Züri begraabe, näb em Inigo Gallo und däm siiner erster Frau.

Filmografii

• 1952: Palace Hotel
• 1952: Heidi
• 1955: Heidi und Peter
• 1955: Polizischt Wäckerli
• 1956: Oberstadtgass
• 1958: Zum goldenen Ochsen
• 1958: Die Käserei in der Vehfreude
• 1959: Hinter den sieben Gleisen
• 1960: Anne Bäbi Jowäger – 1. Teil: Wie Jakobli zu einer Frau kommt
• 1960: An heiligen Wassern, die Creszenz Waldisch
• 1961: Demokrat Läppli
• 1962: Der 42. Himmel
• 1962: Anne Bäbi Jowäger – 2. Teil: Jakobli und Meyeli
• 1966: Geld und Geist
• 1967: Polizist Wäckerli in Gefahr
• 1968: Sommersprossen
• 1968: Die Sechs Kummerbuben
• 1969: Pfarrer Iseli
• 1971: Der Kapitän
• 1973: Männdli, die Rosa (TV Serii)
• 1980: Der Erfinder

Theaterstück

• 1950: Ganz unverbindlich
• 1950: Schöni Luftballönli
• 1952, 1978: Die kleine Niederdorfoper, Uruffüehrig: 31. Dezämber 1951 Schauspiilhuus Züri
• 1954: Himmelbett
• 1954, 1966, 1981: Der schwarze Hecht, d Chöchi Kattri, Schauspiilhuus Züri (O mein Papa ging um die Welt)
• 1962: Zürcher Ballade, Theater am Hächtblatz Züri
• 1963: Spalebärg 77a, Stadttheater Basel
• 1963: Gerettet, Stadttheater Basel
• 1964: Bibi Balù
• 1964: Und gäll, wie gseit
• 1967: Golden Girl, Theater am Hächtblatz Züri
• 1969: Guet Nacht Frau Seeholzer, Bernhard-Theater Züri
• 1969: Pfarrer Iseli
• 1974: My Frau – der Chef
• 1974: Potz Millione
• 1974: D’Muetter wott nur s’Bescht, die Anni Wiesner (Schwiizer Fassig vo «Das Fenster zum Flur» mit dr Inge Meysel 1960)

Radio DRS- und Hörspiilbroduktione

• ab 1955 Spalebärg 77a (Bis Ehrsams zem schwarze Kaffi), s Louisli Ehrsam, über 100 Sändige (jede 3. Samstag, 11 Johr lang)
• Oberstadtgass (as Hörspiil, bevor dr Film choo isch)
• Polizischt Wäckerli (as Hörspiil)
• Anneli – Erlebnisse eines kleinen Landmädchens
• Helvetiastrasse 17 – Pfarrer Iselis erster Fall
• Pfarrer Iseli – Sein zweiter Fall
• S brav Tüüfeli (Kindermusical)
• Die Zauberorgel
• 1970 Jim Knopf und Lukas der Lokomotivführer (Kindermusical)
• 1972 Hans im Glück – oder die Reise nach Pitschiwaya

Weblingg

• Margrit Rainer in de Internet Movie Database (änglisch)
• Biografii mit Foti
• Michael Gautier: Rainer, Margrit. In: Historisches Lexikon vo dr Schwiiz.
• D Margrit-Rainer-Strooss z Züri

Dä Artikel basiert uff ere fräie Übersetzig vu dere Version vum Artikel „Margrit_Rainer“ vu de dütsche Wikipedia. E Liste vu de Autore un Versione isch do z finde.