Bibi Balù

Musicaldate
Titel:	Bibi-Balù
Originalsprooch:	Schwiizerdütsch
Muusig:	Hans Moeckel
Buech:	Hans Gmür, Karl Suter
Uruffüehrig:	Silvester 1964
Ort vo dr Uruffüehrig:	Theater am Hächtblatz
Spiilduur:	öbbe 2½ Stunde, 1 Pause
Ort und Zeit vo dr Handlig:	1960er Johr Schwiiz
Rolle/Persone
Frédéric (Fritz) Sturzenegger Henri O. Luginbühl Oskar Kurz Emma Weideli-Oggenfuss Bibi Balù (Louisli); im Original "E Mäitli" Barmaa Mario, NZZ-Journalist, Blick-Journalist, Radiosprächer, Pfarrer, St. Galler, Zürcher, Bärner, Basler, Briefdrääger, Bolizeidiräkter, Färnsehregisseur, Färnsehinspizient, Källner, Pfadfinder Wotan, Briefmarkesammler

Bibi Balù isch e schwiizerdütschs Musical. D Autore si dr Hans Gmür und dr Karl Suter, d Muusig stammt vom Hans Moeckel. S Musical isch am 31. Dezämber 1964 im Theater am Hächtblatz z Züri urufgefüehrt worde und isch meh as dreihundertmol vor usverchaufte Hüüser ufgfüehrt worde. Under andere hai gspiilt: dr Ruedi Walter, d Margrit Rainer, d Ines Torelli, dr Jörg Schneider, dr Eduard Huber und dr Paul Bühlmann.

Sit em Früehlig 2010 wird Bibi Balù noch ere Pause vo meh as vierzig Johr in ere Inszenierig vom Regisseur Stefan Huber und andere Persone us em Umfäld vo de Gschwüster Pfister im Theater Sanggalle wider ufgfüehrt. D Premiere het am 27. Merz stattgfunde. Under andere spiile: dr Peter Zimmermann, dr Romeo Meyer, dr Tobias Bonn, dr Christoph Marti, d Rahel Fischer und dr Max Gertsch. Die musikalischi Leitig het dr Johannes Roloff. Für s Theater Sanggalle het dr Regisseur Stefan Huber s Stück um öbbe e Stund gchürzt.

Handlig

D Gschicht vo dr Bibi Balù basiert uf ere wohre Begäbeheit. E Studäntin us Afrika isch in Gäldnot groote und d Zürcher Woche het zun ere Spändenaktion ufgrüeft. Wo scho e grösseri Summe gsammlet gsi isch, het dr Vater vo dr Studäntin brotestiert und gsait, Almose welle si nid. S Gäld het mä denn für en andere guete Zwäck bruucht.

Die beide Autore hai die Begäbeheit zum ene Gauner-Musical umgschriibe. E clevers Duo het zu Gunste vom Mäitli Bibi, wo vo dr pazifische Insle Balù cho isch, Gäld gsammlet und het ghofft, eso riich z wärde. D Gauner si raffiniert gsi drbii und hai vil Fantasii gha, für zum an ihr Ziil cho.

Rollene

• Frédéric (Fritz) Sturzenegger
• Henri O. Luginbühl
• Oskar Kurz
• Emma Weideli-Oggenfuss
• Bibi Balù (Louisli); im Original "Ein Mädchen"
• Barmaa Mario, NZZ-Journalist, Blick-Journalist, Radiosprächer, Pfarrer, Sanggaller, Zürcher, Bärner, Basler, Briefdrääger, Polizeidiräkter, Färnsehregisseur, Färnsehinspizient, Källner, Pfadfinder Wotan, Briefmarkesammler

Bsunders bemerkenswärt si die 16 Wäggselrolle, wo in dr Originaluffüehrig vo 1964 vom Ruedi Walter gspiilt worde si.

Weblingg

• Us em Original-Musical «Bibi Balu» (Site cha nüme abgrüeft wärde; Suche im Webarchiv)[5] [6] Vorlage:Toter Link/www.srf.ch
• Bibi Balù, offizielli Website vo dr Neuauffüehrig
• Bibi Balù bei art-tv.ch