Gundowald

Dr Gundowald, Gundoald, Gundovald, odr Gondovald (uf französisch, Gombaud), au Ballomer, isch en Usurpator im Frankeriich gsi, wo sich 584 oder 585 zum König vo Aquitanie het lo usrüefe.

Dr Gundowald het behauptet, er siig en unehelige Sohn vom Köng Chlothar I.. Er isch finanziell vom oströmische Kaiser Maurikios (Kaiser vom 13. August 582 bis 27. November 602) understützt worde. Er het im Süde vom Frankeriich e baar Stedt underworfe, drunder Poitiers und Toulouse, wo em König vo Burgund Guntram I. ghört hai. Dr Guntram, e ligitime Sohn vom Chlothar, het von em nume as Ballomer, dr Sohn vom ene Müller, gredet. Er isch mit ere Armee gegen en zoge, und dr Gundowald isch noch Comminges gflüchtet. Dr Guntram het d Stadt afo belagere, het se aber nit chönne stürme. Schliesslig hai im Gundowald siini Druppe ihn im Guntram usgliiferet und dä het en umbrocht.

Vorgänger Dr Titel het nit existiert vorhär

König vo Aquitanie 584 oder 585

Nochfolger nit bsetzt bis 626 Charibert II.

Dä Artikel basiert uff ere fräie Übersetzig vum Artikel „Gundoald“ vu de änglische Wikipedia. E Liste vu de Autore un Versione isch do z finde.