Gunilla Marxer-Kranz
D Gunilla Marxer-Kranz (* 28. Mai 1972 z Walestadt SG as Gunilla Kranz, haimetberäächtigt z Stäihuuse ZG un z Vadoz) isch e liachtaschtaanischi Bolitikeri (VU). Syter anne 2017 isch si Abgoordneti im liachtaschtaanische Landdaag.
Lääbe
ändereD Gunila Marxer-Kranz isch e Doochter vum Leerer Arno Kranz un syre Frau Marie-Louise, geb. Meyer. S het no ne Schweschter un isch z Tresa ufgwagse.
Vu 1984 bis 1992 isch si uf s Laichtaschtaanisch Gimnasium z Vaduz gange un het no dr Matura vu 1992 bis 1993 e gstalterischi Grunduusbildig an dr Schuel fir Beruef un Wyterbildig z Romanshorngmacht. Derno het si an dr Universiteet Friburg i. Ü. vu 1993 bis 1998 Räächtswisseschafte studiert un mit em Lic. iur. utr. abgschlosse. Anne 2002 het si di liachtaschtaanisch Räächtsaawaltsbriefig gmacht.
Vu 2002 bis 2007 isch si Stellverdrätteri vum Landdaagssekreteer gsii, zueständig fir d Finanz- und Gschäftsbriefigskummissioon un fir Teemene rund um EWR/EFTA un OSZE. Vu 2008 bis 2010 het si as Legal Adviser in dr Finanzdienschtlaischtigsbransche z Vadoz gschafft. Ab 2010 isch si in Elterezyt gsii. Syter anne 2014 schafft si as Jurischti bi dr Wiirtschaftschammere vu Liachtaschtaa.
Am 31. Juli 2009 het si dr Philipp Marxer (* 1973) ghyroote, wu as chaufmännische Aagstellte schafft. Si hän zwai Chinder un lääbe z Nendla. Fir e halb Joor isch si z Kolumbie gsii un het deert in eme Chinderhoort un in ere psichiatrische Aastalt gschafft.
Bi dr Landdaagswaal 2017 isch si fdir di Vaterländisch Union in Landdaag gweelt woore. Vor ire Waal isch si nit bolitisch aktiv gsii. Im Landdaag isch si Landdaagsvizebresidänti un Mitgliid vum Landdaagsbresidium.
Syter anne 2017 isch si Mitgliid vum Barteibresidium vu ire Bartei un vum Vorstand vu dr VU-Oortsgruppe Escha/Nendla.
Weblink
ändere- Redaktion HLFL: Marxer-Kranz, Gunilla. In: Historischs Lexikon vom Förschtatum Liachtastaa.
- d Gunilla Marxer-Kranz uf dr Internetsyte vum Landdaag
- Churzbiografy uf dr Internetsyte vu dr Vaterländische Union