De Hönir (an. Hœnir m.) isch e nordische Gott gsii und het zu de Götterfamili vo de Ase ghört.

Erschaffig vo de Mentsche ändere

De Hönir isch noch de Völuspa a de Erschaffig vom erste Mentschepaar Askr und Embla bitailigt gsii, wobii de Hönir a de Mentsche de Verstand ggee het. De Snorri degege schribt, as die vo de drai Brüedere Odin, Vili und Ve erschaffe wore saiet. Drum isch es woorschiindli, as de Hönir ann vo de zwee Brüedere vom Odin isch.

Wanechrieg ändere

Nochdem de Wanechrieg gendet het, hend d Ase und d Wane gegesittig Gaisle uustuuscht. Wääred d Wane a de Ase de Njörd, de Freyr und d Freyja gschickt hend, hend d Ase a de Wane de Hönir und de Mimir ggee. D Wane hend de Hönir zum Höptling gmacht. Wo si aber usegfunde hend, as er immer denn rootlos gsii isch, wenn de Mimir nöd umenand gsii isch, hends em Mimir de Chopf abghaue und de em Odin gschickt.

Lueg au ändere

Büecher ändere

  • Jan de Vries: Altgermanische Religionsgeschichte; Berlin 1956.
  • Rudolf Simek: Lexikon der germanischen Mythologie. Stuttgart (3. Aufl.) 2006. ISBN 978-3520-36802-4.