Hagèturm

Dè Hagèturm isch èn 40 Meter hochè Staalfachwärchsturm bi Merishuusè uff dè Höchi vum Randè-Massyv. Er isch 1989 im Uffdraag vum Schwyzer Bund in nu drei Wuchè baut worrè un duèt dè aalte Turm ersetzè. S Design stammt vum Schaffhuuser Ingenieur Klaiber Erwin.

Hagèturm
Datei:Hagenturm 2021.JPG
Basisdate
Ort:	Merishuusè
Kanton:	Schaffuuse
Staat:	Schweiz
Höchi:	908,5 m
47.774058938.56758431
Verwendig:	Uussichtsturm
Zuegänglichkeit:	Sendeanlage öffentlich zugänglich
Turmdate
Bauziit:	1989
Baustoff:	Staalfachwärchskonschtruktion
Uussichts­plattform:	40.00 m
Date zur Sendeaalag
Breitegrad:	47.77405893
Längegrad:	8.56758431
Positionskarte
Hagèturm (Schweiz) Hagèturm Hagèturm

Laag

Dè Turm stòt uff 908,5 Meter übber m Meer, 93 Meter südlich vum högschtè Pungt vum Kanton Schaffuusè, èm 912 m ü. M. hochè Hagè. Ußerdèm stòt dè Hagèturm nu öppè 540 m vo dè Dütsch-Schwyzer-Gränz èwäg, uff dè dütschè Sitè lyt dè högschte Pungt vum gsamte Randè mit 930 m, sèllèwäg sait mò sèbbèm Deil vum Randè au Hochè Randè. Dè Hoche Randè lyt gröschtedeils uff èm Bann vo Füètzè. Dè nördlichschte Pungt vo dè Schwyz, dè Schwarze Staa, lyt öppè 3600 m vum Hagèturm èwäg.

Infraschtruktur

Uff d Uussichtsblattform chunnt mò übber 225 Stägèdritt. Uff dè Blattform git s Sitzglegèheitè un vyr Panoramadaflè. Übber dè Baumkronè bǜètet sich è Rundumluègi vum Schwarzwald bis zum Alpèhauptkamm.

È Bsunderheit vum Hagèturm isch d Radarkupplè vo dè Schwyzer Armee, wo d Spitzè vum Hagèturm bildè duèt. S Grundschtügg mitsamt Zuègangswäg (2300 m²) ghört dè Eidgnossèschaft.

• 
  Hagèturm
• 
  Blattform
• 
  Blattform
• 
  Stägè
• 
  D Radarkupple vum Hageturm
• 
  De Hageturm mit Grillblatz

Gschichtè

Aaltè Hagèturm

1903 hèt mò dè aalt Hagèturm baut. Mit sèllèm Turm hèt mò dè Nordzipfel vo dè Schwyz bis zum Schwarzè Staa vomessè. Er isch 14 Meter hoch gsi un us armyrtèm Bedong baut worrè. Ab 1949 hèt mò uff dè Turm nǜmmi uè chönnè. Us sèllèm Grund hèt mò s unterschte Stugg vo dè Leitèrè abbaut un im Zollamt Beggingè deponyrt.

Weblinggs

 Commons: Hagenturm – Sammlig vo Multimediadateie

• Webcamera uff èm Hagèturm

360° Panorama vum Hagèturm

Dä Artikel basiert uff ere fräie Übersetzig vum Artikel „Hagenturm“ vu de dütsche Wikipedia. E Liste vu de Autore un Versione isch do z finde.