D Hebelstrooss z Baasel

(Witergleitet vun Hebelstrasse)

D Hebelstrooss isch e Strooss im Baasler Vorstedtkwardier. Si het bis ins 19. Joorhundert Nöiji Vorstadt ghäisse, bis dass men ere dr Naame vom alemannische Dichder Hebel gee het, wil män emol glaubt het, ass dä im ene Gartehüüsli an dere Strooss uf d Wält cho sig.[2]

e baar Hüüser an dr Hebelstrooss
Dialäkt: Baseldütsch
Usschnitt us dr Stadtaasicht vo Basel vom Matthäus Meriaa em Eltere, 1642.[1] Die Nöiji Vorstadt goot ooben am Dominikanerkloster (25) verbii vo dr innere Stadtmuure bis zur üssere.

Seenswürdigkäite ändere

An dr Hebelstrooss stöön meereri historischi Bauwärk: dr Markgrööflerhoof (Hebelstrooss 2), s Brunschwilerhuus (Nummere 15), dr Holstäinerhoof (30-32), s Alumneum (17), s Gyregaarde (7).

Gschicht ändere

Wo mä 1289 d Spaalevorstadt befestigt het, isch s Gebiet vor em Chrüzdoor um e Petersblatz ume in d Stadt iine jho. Uf em Pfaffehoof - d Pfaffs si e Ridderfamilie gsi, wo s Guet as kaiserligs Lääche ghalte häi - westlig vom Breedigerklooster isch im 14. Joorhundert e Räije vo Hüüser baut worde und dr Naame vo dr Strooss, wo so entstande isch, isch noch ere Urkunde vo 1349 «phaffen vorstatt» gsi. 1354 het mä sä as «nüwe vorstatt by sant peter» beschriibe. D Pfaffs häi denn iire Name as Clerici latinisiert und d Strooss wird vo denn aa au uf Latiinisch as «Suburbium Clericorum» oder as «Suburbium civitatis novum» bezäichnet. Bis 1871 isch si denn die Nöiji Vorstadt gsi und lang e Sackgass bliibe. D Geböid uf dr östlige Site vo dr Strooss vom Markgrööflerhoof bis zum Holstäinerhoof, wo hüte bäidi zum Komplex vom Uniwersidäätsspiddaal ghööre, si alli abbroche worde.[3]

Fuessnoote ändere

  1.  Im Matthäus Meriaa em Eltere si Aasicht vo Baasel vo 1642.
  2. Kontroverse um das Geburtshaus von Johann Peter Hebel uf altbasel.ch, abgrüeft am 4. Juni 2014
  3. Hebelstrasse uf basler-bauten.ch, abgrüeft am 4. Juni 2014

Koordinate: 47° 33′ 39,8″ N, 7° 34′ 53,6″ O; CH1903: 610757 / 267826