Hauptmenü ufmache
Dialäkt: Markgräflerisch (Ebringe)

S'Hexedal isch e dur d'Hauptbruchzone vum Oberrhigrabe bildets Dal umiddelbar südli vu Friburg im Brisgau, wo s'Schimbergmassiv mit Schimberg un Hohfirst im Weschte vum Schwarzwald im Oste abtrennt.

Am Nord- und Südend lit's uf ebba 250m, in dr Middi bi Wittnau uf ebba 400m. Nooch Süde hi wird's dur d'Meehlin entwässeret.

Näbe Sidligsbiite git's Wald an dr Berghäng, am Schimberg bsunders bi Wittnau am Chapuzinerbuck un am Eelberg bi Bollschwil au Räbe.

Im Norde bilde Merzhuse, Au, Horbe, Wittnau mit Biezighofe un Sailede d'Verwaltigsgmeinschaft Hexedal. Im Süde schliesst sich Bollschwil mit Ellighofe a. Güetighofe ghert sowohl zue Bollschwil als au - wie Ehrestette am Südend vum Dal, zue Ehrechilche.

Verchehrsmässig erschlosse wird's Hexedal dur d'L123, wo bis uf Wittnau iberall Ortsdurfahrte het, Denäbe verchehrt d'Buslinie 7208 vu dr Südbadenbus.

Fier Aluegensswürdigkeite lueg au under dr einzelne Ortschafte.

anderi BezeichnigeBearbeite

Uf dr andere Site vum Schimberg sait mer zum Hexedal numme s'Däli un e Redewendig, um d'Sau rüs z'lo, isch ins in Däli go Latschare go.