Wittnau (Breisgau)
|
Dä Artikel bschäftigt sich mit dr Gmei Wittnau bi Friburg im Brisgau, witteri Bedütige vu dem Wort findener under Wittnau |
Wittnau isch e Gmei im Südbade 7 km südlich vu Friburg im Brisgau.
| Wappe | Ditschlandkart | |
|---|---|---|
|
| |
| Basisdate | ||
| Dialekt: | Alemannisch | |
| Hauptvariante: | Nideralemannisch | |
| Regionalvariante: | Oberrhialemannisch | |
| Lokalvariante: | Ruum Friburg | |
| Bundesland: | Bade-Wirttebärg | |
| Regierungsbezirk: | Friburg | |
| Landkrais: | Brisgau-Hochschwarzwald | |
| Heh: | 378 m i. NHN | |
| Flech: | 5,04 km² | |
| Iiwohner: |
1510 (31. Dez. 2022)[1] | |
| Bevelkerungsdicht: | 300 Iiwohner je km² | |
| Boschtlaitzahl: | 79299 | |
| Vorwahl: | 0761 | |
| Kfz-Kennzaiche: | FR | |
| Gmeischlissel: | 08 3 15 125 | |
| Gmaigliderung: | 2 Ortsdeil Wittnau Biezighofe | |
| Adress vun dr Gmaiverwaltung: |
Kirchweg 2 79299 Wittnau | |
| Webpräsenz: | ||
| Burgermaischter: | Jörg Kindel (CDU) | |
| Lag vo de Gmai Wittnau im Landkrais Brisgau-Hochschwarzwald | ||
 | ||
Geographi
ändereGeographischi Lag
ändereWittnau lit guet 7 km südlich vu Friburg in dr Middi vum Hexedal. Säll duet sich vu Friburg zwischenem 644 m hoche Schimberg un dr Weschthäng vum Hochschwarzwald iber Wittnau - wo es sich zue ere „wite Aui“ verbreiteret - bis uff Ehrestette erstrecke. D'Gmarkig vu dr Gmei, wo d'Ortsdeiler Wittnau un Biezighofe dezueghöre, het 504 ha. Si isch durch drei Hüegel prägt, wo bis hit fier dr Wibau gnutzt werre. D'Räbflächi isch aber sit 1980 starch rucklaifig. Im Oschte reicht d'Gmarkig bis zue dr Weschtflanke vum Schauinsland (1284 m).
Gschicht
ändereIm Zug vu dr Besidlig vum Hexedal im 7. un 8. Johrhundert sin die erschte alemannische Bure ins Biit vu dr hittige Gmei kumme. Si hän ihrene Heef dr Namme Biezighöfe gä. Anno 806 isch säll Dorf s'erscht Mol as Piazinchova urkundlich erwähnt worre. Scho anno 786 berichtet e Schenkigsurchunde vum Kloschter St. Galle erschtmols vu ere Hofaalag mit Kilchli wo mer Witunauia gnennt het. Bis ins 13. Johrhundert isch no Wittnau dr Sitz vu dr St. Gallermer Verwaltig im Brisgau gsi, bevor säller Sitz uf Ebringe uf dr andere Side vim Schimberg verlegt worre isch. S'Kloschter het bal druff d'Herrschaft verkauft.
Im 14. Johrhundert isch dr Wittnauer Herrehof zue eme öschtriichische Lehe worre. Anno 1805/06 isch Wittnau wie dr ganz Brisgau Deil vum Grossherzogtum Bade worre. Sit 1811 werre d'Ortschafte Wittnau un Biezighofe als Einheit betrachtet un offiziell als Gmei Wittnau bezeichnet. 1971 isch d'Gmei dr Verwaltigsgmeinschaft Hexedal biträtte.
Inzwische isch Wittnau dur dr Zuezug us em nooche Friburg starch gwaxe. D'Gmei giltet as e beliebte Wohnort. D'Baulandpris schwätze do ihr eigeni Sprooch.
Politik
ändereBurgemeischter
ändere- Karl Pache (1970 bis 1978)
- Erich Birkle (1978 bis 2002)
- Enrico Penthin (2002 bis 2018)
- Jörg Kindel (sit 2018, au Vogt vu Au.)
Gmeirot
ändere| Partei / Liste | % | Sitze | Diff. |
|---|---|---|---|
| Freie Wählergemeinschaft (FWG) | 45,9 % | 5 Sitz | + 2 |
| Freie Bürgervereinigung (FBV) | 28,4 % | 3 Sitz | – |
| Wittnauer Bürger für Dorferhaltung und Bürgernähe (WB) | 25,7 % | 2 Sitz | + 1 |
Landdagswahle
ändereErgebnis vo dr Landdagswahle sit 2006:[2]
| Johr | CDU | SPD | FDP | Grieni | Linki1 | AfD | Suschtigi |
| 2016 | 26,4 % | 9,6 % | 10,8 % | 40,4 % | 3,2 % | 7 % | 2,6 % |
| 2011 | 32,3 % | 18,5 % | 6,3 % | 37,7 % | 2,3 % | 3 % | |
| 2006 | 48 % | 15,9 % | 8,9 % | 22,5 % | 1,6 % | 3,1 % |
1 2006: WASG, sit 2011: Die Linke
Wappe
ändereS'Wappe erinneret an d'Ursprüng vu dr Gmei un die domolig Verbundeheit mit em Kloschter St. Galle: d'Kilche uf em Berg als eini vu dr äldeschte vum Hexedal, denäbe dr Bär, s'Wappedier vum Kloschter St. Galle.
Gmeipartnerschafte
ändereSit 1994 verbindet Wittnau e Partnerschaft mit dr französische Gmei St. André d’Apchonin in dr Region Côte Roaneiise am Fuess vu dr Madleine-Berg, weschtlich vu Roanne Loire. D'Partnergmei het guet 1800 Iwohner un isch wie Wittnau e Wibaugmei.
Persönlichkeite
änderePersönlichkeite, wo mitem Dorf in Verbindig stehn
ändere- Dr Publizist Walter Dirks het sit sinere Pensionierig 1966 bis zue sinem Dod anno 1991 z'Wittnau gläbt.
- Dr ditsch Fuessballbundestrainer Joachim Löw het vu 2007 bsi zue dr Trennig vu sinere Frau, wo noch immer do wohnt, z'Wittnau gwohnt.
Literatur
ändere- Gemeinde Wittnau (Hg.), Wittnau, vom Leben im Dorf damals und heute. 1986
Weblink
ändereFuessnote
ändere- ↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
- ↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)
 |
Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch.
Lueg dezue au Froge un Antworte zum Dialäkt. |