Historisch-Biografischs Lexikon vo der Schwiiz
S Historisch-Biografische Lexikon vo der Schwiiz, churz: HBLS, isch es Nochschlagewärk über d Gschicht vo der Schwiiz.
Uf Französisch heisst s Dictionnaire historique et biographique de la Suisse.
S grosse Lexikonprojäkt het der Nöieburger Verleger Victor Attinger (1856–1927) agfange, wo scho s Geografische Lexikon vo der Schwiiz useprocht het. Die Allgemein Gschichtforschendi Gsellschaft vo der Schweiz het s Wärch usegää.
Es sind i beidne Sprooche, Düütsch und Französisch, sibe Bänd worde, wo Artikel vo Hischtoriker us der ganze Schwiiz drin sind, und die Büecher sind i der Zyt vo 1921 bis 1934 usecho. Der Inhalt vom HBLS het Artikel über d Gschicht vo Lüüt, vo de Ortschafte und de Kantöön und anderne geografischi Rüüm im Land und au drumume, und es git Byträäg zu aller Gattig psundere gschichtleche Fänomeen.
Fasch es Joorhundert spöter isch s nöchschte Schwiizer Gschichtslexikon usecho, s Historische Lexikon vo der Schwiiz.