Hot Summer (Lied)
us em Album Strictly Physical | ||
| A-Syte | "Hot Summer" | |
| B-Syte | "Scream" | |
| Usecho |  29. Juni 2007 (Düütschland)18. Juli 2007 (Finnland) 30. Juli, 2007 (Niederlande) Juli 2008 (Törkei) | |
| Format | CD Single, Klingelton, digitali Single | |
| Uffgno | 2007, Weryton Studios (München | |
| Genre | Dance-Pop, Elektropop | |
| Längi | 3:28 | |
| Label | Starwatch | |
| Schriber | Remee, Thomas Troelsen | |
| Produzänt | Remee, Thomas Troelsen | |
| Letschti Single: | Neui Single: | Nöchschti Single: |
| "Even Heaven Cries" (2007) |
"Hot Summer" (2007) |
"Strictly Physical" (2007)
|
"Hot Summer" esch e Song vom dütsche Pop-Trio Monrose. Er esch gschrebe ond produziert worde vom Remee ond em Thomas Troelsen förs zwöite Albom Strictly Physical. Das Lied esch am 29. Juni 2007 veröffentlecht worde.[1]
Veröffentlecht als dretti Single ond erschti Single-Uskopplig vom Aubom, hend Monrose ehre zwöiti Nommer-1-Hit in Dütschland, Östriich ond de Schwiiz chönne verbueche. "Hot Summer" esch eine vo de meischtverchoufe Internettetu vonere dütsche Produktion. [2]
Im Mai 2008 esch de Song as Besti Song vo de dütsche Priisverleihig Comet uszeichnet worde.[3]
Ufzeichnig
ändere"Hot Summer" esch eine vo de erschte Kollobratione metem dänische Team Remee ond sim nöije partner de Thomas Troelsen gseh. De Song esch vo insgesamt drüühondert Songs usgwählt worde ond esch die erschti Single-Uskopplig vom Albom Strictly Physical.
Musigvideo
ändereS Musigvideo esch gleitet worde vom Oliver Sommer ond esch am 18. Juni 2007 ufgnoh worde.[4] S Video het am 26. Juni 2007 uf de Girls ehrere Website offizielli Videopremiere gfiiret ond esch erscht Mous am 28. Juni ufem dütsche Musig-Sänder VIVA ide Sändig VIVA live! gspöut worde.
S Video het eigentlech kei rechtigi Handlig. In erschter Lini gseht mer d Monrose vor rotem, blauem, schwarzem ond wyssem Hendergrond am tanze. Meistens wärdids bim Tanze vo drüü männleche Tänzer begleitet. D Kamera esch sehr hektisch bi dem Video. I de Metti vom Video erschiinit schwarzi Balke obe ond onde vom Video im 4:3-Format. D Groppemetglieder send nochhär fähig, met dene Balke z'enterreagiere, idem sie onderanderem usem Beldscherm chlätterid.
Promotion
ändereÖbwou e 20-Sekonde-Clip vom täglech usgstrahlte, dütsche Klatsch-Magazin taff am 24. Mai ussgstrahlt worde esch, het d Groppe de Song am Germany's Next Topmodel-Finau s erscht Mou vorgstöut.[5] Monrose send au i de Schwiiz gseh ond hend de Song ide Ricardo Hammershow ufgführt.[6] Am Musig-Event The Dome 45 hends de Song au gspellt.[7] "Hot Summer" esch emmerno e sehr beliebte Song wo Monrose no bes höt uf de Bühnene sengid.
Chart Platzierige
ändere"Hot Summer" esch bi de Düütsche Single Charts ufe Platz 2 igstege, verursacht dor die mächtige Verchöif vo "You Can Get It", vom Mark Medlock ond em Dieter Bohlen. Ei Woche spöter, esch s Lied ufe erschti Platz ueklätteret, was de Band ehre zwöiti Nommer-1-Hit in Dütschland, Östriich ond de Schwiiz erzielt het. De Song het osserdem de Platz 8 bi de Düütsche Dance Charts beleit. Dor dä riise Erfolg, het Starwatch bekannt gä, Monrose au international z'vermakte, so hets de Song au i de finnische, tschechische ond niederländische Single Charts gschafft.
Charts
ändere| Charts (2007) | Höchst- position |
|---|---|
| Düütschi Dance Charts[8] | 8 |
| Düütschi Single Charts[9] | 1 |
| Euro 200[10] | 5 |
| Euro Digital Charts[11] | 4 |
| Eurocharts Hot 100 Singles[12] | 6 |
| Finnischi Single Charts[13] | 19 |
| Holländischi Single Charts[14] | 68 |
| Östriichischi Single Charts[15] | 1 |
| Polnischi Top 50 | 58 |
| Schwiizer Single Charts[14] | 1 |
| Slovenischi Airplay Charts[16] | 3 |
| Tschechischi Airplay Charts[17] | 32 |
Coverversion
ändereDe australischi Pop-Dance-Sänger Rhys Bobridge, bekannt als Kandidat bi de Tanz-Serie So You Think You Can Dance Australia 2008 het de Song covert, wobii es paar Textstelle omgänderet worde send. S Lied esch am 18. Januar 2009 erschtmaus ide australische Single-Charts platziert gsee.
| Joor | Könschtler | Chart-Positione | ||||
|---|---|---|---|---|---|---|
| AUS | UK | CAN | NZ | EU | ||
| 2008 | Stonefoxx | - | - | - | - | - |
| 2009 | Rhys[18] | 39 | - | - | - | - |
Songlischte
ändereDas send d Ufstellige vo "Hot Summer":
Maxi CD
- "Hot Summer" (radio edit)" - 3:28
- "Hot Summer" (Tai Jason remix)" - 3:38
- "Hot Summer" (Beathoavenz club remix)" - 3:42
- "Hot Summer" (Mozart & Friends PFM house mix)" - 3:58
- "Hot Summer" (Nachtwandler Club Remix)" - 4:05 (hidden track)
- "Scream" - 3:10
2-Track Single
- "Hot Summer" (Radio edit)" - 3:28
- "Hot Summer" (Beathoavenz club remix)" - 3:42
Credits ond Bsetzig
ändere- Gsang: Mandy Capristo, Senna Guemmour, Bahar Kızıl
- Onterstötzigs-Gsang: Remee
- Text: Remee, Thomas Troelsen
- Produktion:Remee, T. Troelsen
Refereänze
ändere- ↑ Hot Summer VÖ: 29.06.2007. In: prosieben.ch.
- ↑ Hot Summer eine vo de meischtverchoufe Internettetle". In: macwelt.de. Archiviert vom Original am 23. April 2008. Abgrüeft am 8. Oktober 2007.
- ↑ Hot Summer: Beste Song. In: viva.tv. Archiviert vom Original am 27. Mai 2008. Abgrüeft am 24. Mai 2008.
- ↑ Hot Summer-Crew. In: mv-crew-united.com.
- ↑ YouTube-Video: Monrose bi Germany's Next Topmodel. In: de.youtube.com. Abgrüeft am 25. Mai 2007.
- ↑ YouTube-Video: Monrose bi de Ricardo Hammershow. In: de.youtube.com.
- ↑ YouTube-Video: Monrose bi Germany's Next Topmodel. In: de.youtube.com. Abgrüeft am 15. März 2007.
- ↑ Danceclub Charts. In: OLJO. Abgrüeft am 11. Juli 2007.
- ↑ "News-Mäldig vom 16.07.2007". In: Official Website. Archiviert vom Original am 9. Juli 2007. Abgrüeft am 16. Juli 2007.
- ↑ Offizielli Euro 200 Charts. In: euro200.eu.
- ↑ Euro Digital Charts". In: billboard.com. (Site cha nüme abgrüeft wärde; Suche im Webarchiv)
- ↑ Eurocharts Hot 100 Singles". In: billboard.com. (Site cha nüme abgrüeft wärde; Suche im Webarchiv)
- ↑ Single Charts Woche 29/2007. In: acharts.us.
- ↑ 14,0 14,1 Chart-Platzierig. In: Swisscharts. Abgrüeft am 11. Juli 2007.
- ↑ "Hot Summer" Chart-Platzierig. In: Austrian Charts. Abgrüeft am 11. Juli 2007.
- ↑ Airplay Charts (Slovenisch) In: radionet.si. Abgrüeft am 11. Juli 2007. (Site cha nüme abgrüeft wärde; Suche im Webarchiv)
- ↑ CZ Airplay Charts (Tschechisch) In: ifizr.cz. Abgrüeft am 11. Juli 2007.
- ↑ Rhys Cover-Version. In: australian-charts.com.