Hroadbert I.

De Hroadbert (Hroadbertus comes) isch en alemannische Groof vom 8. Joorhundert gsii, wo meriri Göi verwaltet het.

De Hroadbert I. isch de Soo vom alemannische Groof Hnabi gsii und de Brüeder vo de Imma, de Muetter vo de Hiltigart, wo de Chaiser Karl de Gross ghüroote het. Er het um 770 Güeter em Chloster Sanggale vermacht. Abem Joor 778 werd er as Groof (comes) vom pagus Eitrahuntal (Aitrachtal), vom Hegau, Linzgau und vom Argegau gnennt, wo nördlich vom Rhii und Bodesee glege sind. Im Hegi isch er um 790 vo sim Neff Uadalrich I. abglöst wore.