Ingo Wellenreuther

ditsche Bolitiker

De Ingo Wellenreuther (* 16. Dezember 1959 z Karlsrueh) isch en badischer Politiker (CDU). Er isch sit em 2002i Mitglied vom dütsche Bundestag.

Ingo Wellenreuther (2009)

Usbildig un BruefBearbeite

De Wellenreuther het nach sim Abitur im 1979i an de Ruprecht-Karls-Universität z Heidelberg sis Jus-Schtudium ufgnoh. Er het au es Ziitli a de Justus-Liebig-Universität z Giessen schtudiirt. Im 1985i het er s erschte juristische Schtaatsexamen bschtande un nach em Referendariat im 1989i s zweite. Dodernoch het er als Schtaaatsanwalt z Bade-Bade gschaffet. Im Johr 1991 isch er als Richter an s Landgericht Karlsrueh cho. Vom Februar 2000 bis zum April 2001 un es zweits Mol vom Februar 2002 bis zum September 2002 het er als Referent vo de CDU/CSU-Bundestagsfraktion im Untersuchigsusschuss „Parteischpende“ gschaffet un in de Ziit dezwüsche am Oberlandesgericht z Karlsrueh. S Amtsgricht Karlsrue het ihn am 24. September 2010 zum Notpräsident vom Karlsruher SC bschtumme und im November isch er dann regulär zum Präsidenten vom Verein gwählt worde.[1]

De Ingo Wellenreuther isch ghürote un het zwei Chind.

ParteiBearbeite

De Ingo Wellenreuther isch sit em 2002 Vorsitzender vom CDU-Kreisverband Karlsrueh. Site m 2003 isch er au im Vorstand vom CDU-Bezirksverband Nordbade un von 2005 bis 2007 isch er au im CDU-Landesvorstand vo Bade-Württebärg gsi.

Bi de Oberbürgermeisterwahl z Manne het er am 17. Juni 2007 gäge de Peter Kurz vo de SPD kandidiirt, het aber nöd gwunne.

AbgordneterBearbeite

De Ingo Wellenreuther isch vo 1999 bis 2013 Mitglid vom Gmeindrot z Karlsrueh gsi.

Sit em 2002 isch er Mitglid vom dütsche Bundestag, wo er über d Landeslischte vo Bade-Württebärg gwählt worde-n-isch. Im 2005 isch er dann als Wahlkreisabgordeneter in de Bundestag iizoge. Im 2009i isch er wider gwählt worde und het 38,1 % vo de Erschtschtimme übercho.[2]

WeblinkBearbeite

EinzelnochwiisBearbeite

  1. Rapolder Trainerfavorit beim KSC Artikel uf rp-online.de vom 18. November 2010
  2. Website vom Bundeswahlleiter zum Wahlchreis Karlrue-Schtadt
  Dä Artikel basiert uff ere fräie Übersetzig vum Artikel „Ingo_Wellenreuther“ vu de dütsche Wikipedia. E Liste vu de Autore un Versione isch do z finde.