Dr Innozenz IV. (* um 1195 z Genua; † 7. Dezämber 1254 z Neapel), as Sinibaldo de Fieschi (au: Sinibald Fieschi) uf d Wält choo, isch vo 1243 bis 1254 Babst gsi. Er isch us äinere vo de erste Familie vo dr genuesische Oberschicht cho und isch noch sim Studium z Parma und Bologna äine vo de bedütendste Kanoniste zu sinere Zit gsi.

Dr Innozenz IV. uf em Konzil vo Lyon. (Daarstellig us em 13. Joorhundert)

Si Vorgänger isch dr Coelestin IV., wo aber nume 17 Dääg Babst gsi isch. Noch ere Sedisvakanz vo 19 Möönet isch schliesslig z Anagni vom Konklav dr Kardinal Fieschi zum Babst gweelt worde. Wenn vor dr Waal dr römisch-dütsch Kaiser Friedrich II. e Fründ vom Kardinal Fieschi gsi isch, isch er noch dr Waal e Find vom Babst Innozenz gsi. Er het an d Kurie e Brief gschiggt, ass er hoffi, ass d Differänze zwüschen em Riich und em Häilige Stuel fründschaftlig chönni glööst wärde. D Verhandlige wo churz druf aagfange häi, häi aber zäigt, ass dr Friedrich II. sich de Aasprüch vom Babstes nit het welle underwärfe, und au ass dr Babst d Wünsch vom Friedrich nit het welle erfülle.

Usser siner Usenandersetzig mit em Friedrich, won er für abgsetzt erklärt het und d Gegeköönig Heinrich Raspe und Wilhelm vo Holland gegen en understützt het, het dr Innozenz au im Friedrich sini Noochfolger, dr König Konrad IV. und denn dr Manfred befeedet. Au mit andere Monarche isch er nid guet uschoo: so het er au dr Köönig Sancho II. vo Portugal und dr Köönig Jakob I. vo Aragón für abgsetzt erkläärt. Au d Verfolgig vo Chetzer isch em wichdig gsi, und er het am 15. Mai 1252 d Bulle Ad Extirpanda erloo, wo bald die allgemäin anerkennti Norm für s Inquisitionsverfaare worden isch. Si het under anderem d Folterig vorgsee, zum d Wooret z finde, was vorhär in Chetzerprozäss nit üblig gsi isch, aber vo denn aa joorhundertilang as normal gulte het.

Litratuur ändere

  • Ex Innocentii IV registro. In: Epistolae saeculi XIII e regestis pontificum Romanorum selectae. Teil 2. Herausgegeben von Karl Rodenberg. Berlin 1887 (Monumenta Germaniae Historica, Digitalisat) Epistolae saeculi XIII e regestis pontificum Romanorum selectae. Däil 3. Uusegee vom Karl Rodenberg. Berlin 1894, S. 1–313

Weblingg ändere

  Commons: Innozenz IV. – Sammlig vo Multimediadateie
  Dä Artikel basiert uff ere fräie Übersetzig vum Artikel „Innozenz_IV.“ vu de dütsche Wikipedia. E Liste vu de Autore un Versione isch do z finde.