D Republik Genua (italienisch Serenissima Repubblica di Genova ‚Erlauchtisti Republik Genua‘, Genuesisch: Repúbrica de Zêna (IPA: ɾeˈpybɾika de ˈzeːna) isch e Republik bzw. Adelsrepublik im Gebiet vom hütige Italie gsi, wo am 14. Juni 1797 as Dochderrepublik vo dr französische Erste Republik zur Ligurische Republik worde isch.

Serenissima Repubblica di Genova
Erlauchtisti Republik Genua
{{{ARTIKEL-FLAGGE}}}
{{{ARTIKEL-FLAGGE}}}
{{{ARTIKEL-WAPPEN}}}
{{{ARTIKEL-WAPPEN}}}
Hauptstadt Genua
Staatsoberhaupt und Regierigschef Consoli
Podestà
Sit 1339: Doge
Iiwohnerzahl öbbe 400.000
Italien im Jahr 1796
Italien im Jahr 1796
Italien im Jahr 1796

Die wirtschaftligi Basis ändere

Im Middelalter isch Genua e Kolonialmacht worde und äini vo de vier groosse Seerepublike vo Italie. Genuesischi Chauflüt häi mit em Handel vo Geträid und Sklave iiri grösste Gwünn gmacht. Dr Sklavehandel isch as Erb vo dr römische Wirtschaftswält nöi beläbt worde und d Sklave si e wirtschaftligs Guet vo hoochem Wärt gsi; dr Handel mit Chorn isch vor allem für d Ernäärig vo dr Republik kritisch gsi. Anderi wichdigi Handelsgüeter si Gwürz, Waggs, Belz, Salz, Fisch, Kaviar und Nüss gsi.

Gschicht ändere

Scho im 10. Joorhundert isch d Stadt Genua vom Häilige Römische Riich unabhängig worde. Im 11. Joorhundert häi d Genueser zämme mit Pisa d Sarazene im Süde vo Italie bekämpft und sich an de Chrüzzüüg bedäiligt. Wo Pisa si äigeni Seemacht usbaut het und sich zun ere ärnsthafte Riwalin vo Genua entwigglet het, het s Chrieg gee, wo d Genuese in dr Seeschlacht bi Meloria am 6. August 1284 für sich entschiide häi. In dr Usenandersetzig mit dr Republik Venedig häi d Genuese dere iiri Flotte am 8. September 1298 in dr Seeschlacht bi Curtola besigt und sich für Joorzäänt e Vorrangstellig in Italie gsicheret.

Wäge de innepolitische Kämpf in dr Stadt und em Vormarsch vo de Osmane het Genua im 16. und 17. Joorhundert immer mee Kolonie und Macht verlore. 1796 het dr Napoleon Bonaparte Genua bsetzt und e Joor spööter die Ligurischi Republik gründet.

 
D Kolonie vo Genua im Middelalter

Litratuur ändere

  • Matthias Schnettger: «Principe sovrano» oder «Civitas imperialis»? Die Republik Genua und das Alte Reich in der frühen Neuzeit (1556–1797). Mainz 2006, ISBN 3-8053-3588-1.
  • Manfred Pittioni: Genua Die versteckte Weltmacht. Verlag Mandelbaum, 2011, ISBN 978-3854763499.

Weblingg ändere

  Commons: Republik Genua – Sammlig vo Multimediadateie
  Dä Artikel basiert uff ere fräie Übersetzig vum Artikel „Republik_Genua“ vu de dütsche Wikipedia. E Liste vu de Autore un Versione isch do z finde.