Italiänischi Konzession in Tientsin

D Italiänischi Konzession in Tientsin (Chinesisch 天津意租界, Tiānjīn Yì Zūjiè, italiänisch Concessione italiana di Tientsin) isch es chlines Kolonialgebiet vom Königriich Italie i de chinesische Stadt Tianjin i de hütige Volksrepublik China ksi. Es hät vo 1901 bis 1947 existiert.

Italiänischi Konzession in Tientsin (danach Republik China)
Lage Italiänischi Konzession in Tientsin
Flaggen und Wappen der Kolonien und Protektorate des Königreichs Italien#Konzessione (Details) (Details)
Verwaltigssitz:	Tianjin
Verwaltigsorganisation:	Konzession
Oberhaupt vo de Kolonii:	König vo Italie: 1900–1946: Viktor Emanuel III. 1946: Umberto II.
Gouverneur vo de Kolonii:
Flächi:	46 ha
Iwohner:	6,261 Iwohner (1936)
Währig:	Italiänischi Lira
Besitzergrifig:	1901–1943/1947
Hütigi Gebiet:	Volksrepublik China

Entwicklig

Animiert dur die dütschi Besetzig vo Kiautschou hät au d Königlich Italiänischi Armee versuecht, en Pachthafe in China z erwerbe. Im März 1899 hät d italiänischi Marine d San-Mun-Bucht i de Provinz Zhejiang bsetzt, hät sich aber im April 1899 scho wider müsse zruckzieh.

Wo s 1900 zum Boxerufstand cho isch, hät Italie zu de acht intervenierende Grossmächt khört und hät 1901 e chlini Niiderlassig im internationale Konzessionsgebiet vo Tientsin übercho.

Im Erste Wältchrieg hät Italie mit 600 Soldate die österriich-ungarischi Konzession bsetzt. En italiänische Vorschlag si at italiänischi azgildere, isch vo de andere Allierte abglehnt worde. Statt desse hät s Gebiet müsse a China gä werde.

Im Jahr 1935 hät d Konzession e Iwohnerzahl vo 6,261 Mänsche ka. Öppe 536 sind Italiäner ksi. S faschistische Regime under em Benito Mussolini hät gägenüber de Einheimische e sehr restriktivi Kolonialpolitik verfolgt.

Im Zweite Wältchrieg isch d Konzession keis Kampfgebiet ksi, da Italie mit Japan verbündet ksi isch. Nach em Sturz vom Mussolini isch s Königriich Italie zu de Alliierte gwächslet und hät müsse d Kolonie ufgä. Nach em Chriegsändi isch si wider under die italiänischi Herrschaft cho. Wo Italie 1946 e Republik worde isch, händ d Amerikaner d Abträtig vom Gebiet a China gforderet. 1947 isch d Italiänischi Konzession z Tientsin, als letzt vo allne usländische Konzessione döt, ufgä worde.

Literatur

• Cucchi, G. Una bandiera italiana in Cina in «Rivista Militare», n. 6/1986
• De Courten, L. - Sargeri, G. Le Regie truppe in Estremo Oriente, 1900-1901. Roma, 2005
• Dikötter, Frank The Age of Openness China before Mao University of Chicago Press [3]. Berkeley, 2008 ISBN 9780520258815
• Grasselli, Enrico. L’esercito italiano in Francia e in Oriente Corbaccio ed. Milano, 1934
• Maurizio Marinelli, Giovanni Andornino, Italy’s Encounter with Modern China: Imperial dreams, strategic ambitions, New York: Palgrave Macmillan, 2014.
• Maurizio Marinelli, “The Triumph of the Uncanny: Italians and Italian Architecture in Tianjin”, In Cultural Studies Review, Vol. 19, 2, 2013, 70-98.
• Maurizio Marinelli, “The Genesis of the Italian Concession in Tianjin: A Combination of Wishful Thinking and Realpolitik”. Journal of Modern Italian Studies, 15 (4), 2010: 536-556.
• Mautone, Antonio. Trentini ed Italiani contro l'Armata Rossa. La storia del corpo di spedizione in Estremo Oriente e dei Battaglioni Neri. Temi editrice. Trento, 2003

Weblinks

 Commons: Italiänischi Konzession in Tientsin – Sammlig vo Multimediadateie