Flaggene und Wappene vo de Kolonie und Protektorat vom Königriich Italie

Die Liste zeigt d Flaggene und Wappe vo de Kolonie und Protektorat vom Königriich Italie bis 1946.

Kolonie und Protektorat vom Königriich Italie 1941:

0 Italiänischi Kolonie

0 Italiänisch bsetzti Gebiet und Protektorat

Überblick

S Königriich Italie, de Vorgängerstaat vo de hütige Republik Italie, hät im Zug vo de Imperialismusära und später im Zweite Wältchrieg mehreri Kolonie und Protektorat erworbe. Die sind Italiänisch-Eritrea, Italiänisch-Somaliland, Italiänisch-Libye, Britisch-Somaliland und Tunesie, ksi. In Asie hät d Monarchi es 46 Hektar grosses Stück Land i China in Tianjin (lueg italienischi Konzession z Tientsin) ka. In Europa hät s Land während em Zweite Wältchrieg folgendi Protektorat ka: Kroatie, Albanie und Griecheland.

Nach de Niderlag im Zweute Wältchrieg hät Italie a de Pariser Friedenskonferänz vo 1946 alli sini Kolonie und Protektorat müsse ufgä. Nur Somalia isch wieder als Treuhandgebiet under italiänischi Herrschaft cho.

Liste

Kolonie

Kolonie

Lag	Wappe	Flagge	Kolonie	Amerkige
			Italiänisch-Somaliland	D Kolonie hät vo 1889 bis 1936 existiert. Vo 1889 bis 1941 isch s Gebiet Teil vo Italiänisch-Ostafrika ksi. 1941 isch d Kolonii a d Brite verlore gange. S Wappe hät en Leopard zeigt und obe e Krone ka.
			Italiänisch-Eritrea	D Kolonii hät vo 1890 bis 1936 existiert. Vo 1889 bis 1941 isch s Gebiet Teil vo Italiänisch-Ostafrika ksi. 1941 isch d Kolonie a d Brite verlore gange. S Wappe hät en Löi zeigt, wo uf em Wasser lauft und en rote Stern im Zentrum hät. Oben am Wappe isch e Krone ksi.
			Italiänisch-Libye	D Kolonii, wo 1911 scho nach em für italiänische Siig im Italiänisch-Türkische Chrieg under italiänische Herrschaft gstande isch, isch 1934 gründet worde. 1943 isch d Kolonii a d Brite verlore gange. S Wappe hät die drü historische Provinze Tripolitanie, Kyrenaika und Fessan symbolisiert und isch im Stil vom Italiänische Faschismus gstaltet worde.
	Hät vier verschiideni Wappe ka		Italiänisch-Äthiopie	D Kolonii isch 1936 vo Italie in em Chrieg eroberet worde. Si hät nur kurz existiert und isch kurz druf Teil vo de neue Kolonii Italiänisch-Ostafrika worde. 1941 isch d Kolonii a d Brite verlore gange.
			Italiänisch-Ostafrika	D Kolonii isch 1936 dur de Zämmeschluss vo de Kolonie Italiänisch-Eritrea, Somaliland und Äthiopie enstande. 1940 isch Britisch-Somaliland dezuecho. 1941 isch d Kolonii a d Brite verlore gange. S Wappe isch en Mix us de bisherige Wappe vo de Vorgänger-Kolonie ksi isch im Stil vom Italiänische Faschismus gstaltet worde.

Konzessione

Konzessione

Lag	Wappe	Flagge	Konzession	Amerkige
			Italiänischi Konzession in Tientsin	D Konzession hät vo 1901 bis 1947 existiert. 1947 isch s Gebiet ad Republik China (hüt Volksrepublik China) abträte worde.

Protektorat

Protektorat

Lag	Wappe	Flagge	Protektorat	Amerkige
			Königriich Albanie	S Protektorat hät vo 1939 bis 1943 existiert und vor allem s hütige Albanie mit em Kosovo umfasst. 1943 isch s Gebiet vo Nazi-Dütschland bsetzt worde. Sowohl uf em Wappe, als au uf de Flagge isch de albanischi Doppeladler abbildet ksi. S Wappe isch im Stil vom Italiänische Faschismus gstaltet worde.
			Unabhängige Staat Kroatie	S Protektorat hät vo 1941 bis 1943 existiert. Öppe d Hälfti vom Staatsgebiet isch under italiänischer Herrschaft gstande. Sowohl s Wappe, als au d Flagge sind im Stil vo de nationalsozalistische Ustascha gstaltet worde.
			Königriich Montenegro	S Protektorat hät vo 1941 bis 1943 existiert und s hütige Montenegro und en Teil vo Serbie umfasst. 1943 isch s Gebiet vo Nazi-Dütschland bsetzt worde. S Wappe und d Flagge sind vom früher unabhängige Königriich Montenegro überno worde.
			Hellenische Staat	S de facto Protektorat hät vo 1941 bis 1943 existiert und de grössti Teil vom hütige Griecheland umfasst. 1943 isch s Gebiet vo Nazi-Dütschland bsetzt worde. S Wappe und d Flagge sind vom früher unabhängige Griecheland überno worde.

Besetzti Gebiet

Besetzti Gebiet

Lag	Wappe	Flagge	Besetztes Gebiet	Amerkige
			Italiänischi Ägäisinsle	D Inselgruppe isch vo Italie, nach em sigriiche Chrieg gäge s Osmanische Riich erworbe worde. S Gebiet hät de facto zum italiänische Staat khört, hät aber au Eigeschafte vonere Kolonii ka. 1943 isch s Gebiet vo Nazi-Dütschland bsetzt worde. S rote Wappe hät i de Mitti es Chrüz ka.
			Italiänischi Okkupation vo Frankriich	S bsetzte Gebiet hät vo 1940 bis 1943 existiert. S Gebiet isch offiziell im Bsitz vo de italiänische Krone ksi und hät demit de facto zum italiänische Staat khört. 1943 isch s Gebiet vo Nazi-Dütschland bsetzt worde.
			Italiänischi Okkupation vo Britisch-Somaliland	D Kolonii isch 1940 bsetzt worde. Si isch nur 6 Mönet under italiänischer Herrschaft gstande. 1941 isch d Kolonii a d Brite verlore gange. S Wappe isch s gliche ksi, wie es italiänisch-Somaliland ka hät.
			Italiänischi Okkupation vo Tunesie	S Protektorat, wo vorhär französisch ksi isch, isch 1940 vo italiänische Truppe de facto bsetzt worde, im Novämber 1942 dänn offiziell. 1943 isch d Kolonii a d Franzose verlore gange, wo vo de Brite und Amerikaner understützt worde si. Es hät keis offiziells Wappe gä.