Jörg Fritz

Dialäkt: Undermarkgreflerisch

Dr Jörg Matthias Fritz (* 25. Jänner 1960 z Düenge) isch e dytsche Bolitiker (Bindnis 90/Di Griene). Syter anne 2011 isch er Abgordnete im Landdag vu Bade-Wirttebärg.

Uusbildig un Beruef ändere

Dr Jörg Fritz isch z Düenge un z Nirdenga uf d Grundschuel gnange un het am Max-Planck-Gymnasium z Nirdenga s Abitur gmacht. Vu 1981 bis 1982 het er sy Zivildienscht am Kraischrankehuus Nirdenga absolviert. Vu 1982 bis 1987 het er Bolitischi Wisseschafte, Zytgschicht un Germanischtik an dr Eberhard-Karls-Universitet Dibenga studiert, het aber kai Abschluss gmacht. Vu 1988 bis 1990 isch er Birolaiter bi dr Bundesdagsabgordnete Uschi Eid gsii. Vu 1991 bis 2011 het er as freiberueflige Dozänt in dr Erwachsenebildig gschafft.

Bolitischi Laufbahn ändere

Dr Fritz ghert dr Griene syt ihrer Grindig anne 1979 aa. Vu 1980 bis 1984 isch er Mitglid vum Ortsverband vu dr Griene z Nirdenga gsii. Vu 1984 bis 1989 het er e Mandat im Gmaindsrot vu Nirdenga un im Kraisdag vum Landkrais Esslenga ghaa. Vu 2009 bis isch er Vorsitzer vum griene Ortsverband z Geppenga gsii.

Bi dr Landdagswahl z Bade-Wirttebärg 2011 isch er im Landdagswahlkrais Geppenga in dr Landdag vu Bade-Wirttebärg gwehlt wore. Dert isch er Mitglid im Uussschuss fir Finanze un Wirtschaft un au im Uusschus fir Wisseschaft, Forschig un Chunscht.

Sunschtigs Engaschmänt ändere

Mitglid vum Landeskuratorium vum Internationalen Bund (IB) in Baden-Württemberg
Mitglid vum Byrot fir dr Schülerwettbewerb des Landtags von Baden-Württemberg zur Förderung der politischen Bildung
Mitglid vum Kuratorium vu dr Landeszentrale für politische Bildung Baden-Württemberg
Mitglid vum Kuratorium vu dr Akademie für gesprochenes Wort

Persenligs ändere

Dr Jörg Fritz isch katholisch. Är het zwai Sihn un läbt z Geppenga.

Weblink ändere

Commons: Jörg Fritz – Sammlig vo Multimediadateie

Dä Artikel basiert uff ere fräie Übersetzig vu dere Version vum Artikel „Jörg_Fritz“ vu de dütsche Wikipedia. E Liste vu de Autore un Versione isch do z finde.