Jürg Daniel Matthys
Dr Jürg Daniel Matthys (Chürzel: Jaydee; * 15. Novämber 1959 z Horge) isch en Künschtler vom linke Züriseeufer. Er hät scho sit meh als zwänzg Jahr e Galerie in Bäch. Im gliiche Huus, eifach obe inne hät er mit siinere Frau, dr Sabine Krümmel zäme siini Wonig. Imene moderne Aabau isch s Atelier vo dene Beide.
Schwiizer Surrealischt
ändereBi de fantastisch realistische Bilder vom Maler begegnet mer thematisch dr immer präzis kalkulierte Unrueh, wo Schpannigsfelder mit verschiedenschte Würkigsbereiche schafft. Dr Künschtler laat im Bild Sache ufenand treffe, inere sone Art, dass dr Betrachter Fraage uusgsetzt wird; Frage vom Bild oder eigeni Fraage as Bild; die setzed e Bewegig in Gang, wo veraalasst, dass dr Betrachter über die Korreschpondenz zum Teil dr Gschicht vom Bild und somit en Teil vom Bild selber werde chann. Mängisch setzt dr Matthys uf bizarri Konfrontatione, oft au macht er weniger befremdendi Iigriff, i jedem Fall jedoch schtosst er demit uf es Myschterium, seig das hinder dr Normalität vom Alltag oder i dr Poesie vom eher Hindergründige. Es sind debii d Schnittstelle zwüsched dr Realität und em Schtoff, wo dehinder schtaht, wo de Matthys is Visier nimmt, debii glingt ihm e überraschendi oder beklemmendi Verbindig zum Ziitgeischt, wo mängisch erscht bim längere Verwiile vor eme Gmäld zum Vorschii chunnt. Vordergründig trifft mer bi de Matthysbilder uf es schöns oder imposants Szenario, doch di befremdende Iigriff uf dr Bildbühni erinnered a Träum oder mindeschtens a d Verwandlungs- und Kombinationsmechanisme vom Traum; der Umschtand verleiht de Gmälde öppis Latents, Allgemeingültigs, jedermaa Verschtändlichs, ohni dass es i Wort gfasst werde muess. Demit hät au jede, wo wett, en Zuegang zum Kunschtwerch. Em Matthys siini unbekannteri Siite sind siini Skulpture. Er laat eigeartigi Figure us Schrott und Fundschtück entschtah.
Biografii
ändere- ab 1982 freischaffende Künschtler (Autodidakt)
- 1984-1987 Wiiterbildig Kürs Kunschtgwerbschuel Züri
Brueflichi Tätigkeite:
- Freischaffende Künschtler, Malerei, surreali Bilder, Skulpture
- (Uusschtelligsmacher für anderi Künschtler, wie z. B. H.R. Giger und di öffentlich Hand, Seedamm Kulturzentrum)
Werch bis hüt:
- über 900 Bilder und Skulpture
- Aachäuf: in über 180 private Kunschtsammlige befinded sich ca. 350 Werch
- Prominänz: Josef Blatter, Präsident FIFA, WWF
- Öffentlichi Hand: Gmeinde Freiebach, Kanton Schwyz
- Firmene: DOW-Europe, Bank Sparcassa Schwyz, Hypobank, Perform-Möbel
Competitions/Priise:
- 1996 1. Jury-Priis zäme mit em Musiker Mattias Hillebrandt
- nat. Uusschtellig in Montreux, JCI-Nationalkongress: „Beruf Künstler“
- 1998 1. Priis (Publikumspriis) internationale Kunscht-Wettbewerb vo dr TM - Art Gallery, Zug, Thema: „Helvetia 2000“
- 2006 Kulturpriis vo siinere Wohn- und Arbetsgmeind Freiebach
Präss:
- zahlloosi Artikel i de verschiedenschte CH-Tagesziitige und Illuschtrierte
- Reportage: „Schweizer Familie“ Nr. 17/96