Horge
Horge (amtlich Horgen) isch e politischi Gmäind und de Hauptort vom Bezirk Horge im Kanton Züri, Schwiiz.
| Horgen | |
|---|---|
 | |
| Basisdate | |
| Staat: | Schwiiz |
| Kanton: | Züri (ZH) |
| Bezirk: | Horge |
| BFS-Nr.: | 0133 |
| Poschtleitzahl: | 8810, 8812, 8813 8815 Horgenberg 8135 Sihlwald / Sihlbrugg |
| UN/LOCODE: | CH HOE |
| Koordinate: | 687729 / 235093 |
| Höchi: | 408 m ü. M. |
| Flächi: | 21,07 km² |
| Iiwohner: | Expression-Fähler: Nit erwartete Operator: <Ungültiger Metadaten-Schlüssel 0133 (31. Dezämber 2021)[1] |
| Website: | www.horgen.ch |
 Horge | |
| Charte | |
  | |
AllgemeinsBearbeite
Horge liit am lingge, westliche Ufer vom Zürisee und isch öppe 18 km vom Kantonshauptort Züri weg. Es isch Teil vo de Agglomeration Züri. D'Iiwoner heissed Horgner. D'Gmeind isch öppe halbe mit Wald bewachse, ufeme Viertel tüends purä, en Achtel sind Hüser und de Rescht isch Strassä.
WappeBearbeite
Im Wappe hätts en wisse Schwan uf rotem Tuech.
GeographieBearbeite
Horge liit am Hang vom Zimmerberg, das isch e Sitemoräne wo de Linthgletscher bi de letschte Iisziit ligge la hät. D'Gmeind gaht vom See über s'Sihltahl übere bis zum Albis.
GschichtBearbeite
Vo de Urgschicht kännt mer nöd viil. E paar Versteinerige us em Choleflöz Chäpfne zeiged, das es früener, vor öpe 16 Millione Jaar, viil wärmer gsii isch. Dozmal händ da Mastodon, e Art vo Mammut, gläbt und es hät viili Pflanze, vorallem Farn, Schachtelhalm und Gräser gha, so ähnlich wie hüt in Südflorida.
Die erschte Spure vo Horgner hät mer am Seeufer bim Scheller, a de Grenze zu Oberriede, und bim Dampfschiffsteg gfunde. Es sind di junsteiziitliche Reschte vo de Pfahlbouer, wo vor öppe 5000 Jaar da glebt händ. De Fundplatz vo de Horgener Kultur, wie mer hüt seit, isch 1923 bi Bouarbete entdeckt und beschribe worde. Wiiteri grossi Unterwassergrabige het me 1987 bis 1990 gmacht. Bi dene Grabige sind sibe verschideni Kulturschichte gfunde worde.
Horge isch zum eschte Mal gnamset worde im Jaar 952 als Horga.
PolitikBearbeite
Z Horgen hemer schwizerischi Basisdemokratie und a de Gmeindsversammlig (Legislative) dörf jede und jedi öppis säge, wo s Schwizer Bürgerrecht hät und in Horge wohnt. De Gmeindrat ladt amigs zur Versammlig i, die wird im Schinzehof dure gfüert.
D Mitglider vom Gemeindrat (Exekutive) händ jede es beschtimmts Amt. Die acht Gmeindröt und de Presidänt werded a de Urne gwählt.
Bi de Kantonsraatswaale 2011 hät s das Ergebnis ggee:[2] BDP 4,6 %, CVP 7,4 %, EDU 1,4 %, EVP 4,2 %, FDP 16,7 %. GLP 8,0 %, GP 8,7 %, SP 17,9 %, SVP 30,2 %, Suschtigi 0,9 %.
Gmäindspresidänt isch de Theo Leuthold (Stand 2012).
BevölkerigsentwickligBearbeite
Quälle: Bundesamt für Statistik 2005[3]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwooner | 4844 | 5311 | 5199 | 5268 | 5475 | 6883 | 8056 | 8471 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwooner | 9320 | 8916 | 10118 | 13482 | 15691 | 16577 | 16463 | 17432 |
De Uusländeraatäil liit bi 28,5 % (Stand 2011).[2]
ReligionBearbeite
31,2 % vo de Iiwooner sind evangelisch-reformiert, 30,9 % sind römisch-katholisch (Stand 2011).[2]
WirtschaftBearbeite
InduschtrieBearbeite
D Induschtrialisierig het z Horgen sit Mitti vom 19. Jahrhundert starchi auswürkige gha. Zerscht isch es d Sideninduschtrie gsi, spöter au d Maschineninduschtrie. Vili grossi Fabrike hend vo Afang a en grosse Teil exportiert.
DienstleischtigeBearbeite
Im 20. Jahrhundert hets immer me Dienstleischitgsfime gä. Verwaltige, Versicherige, Forschingsanstalte, Verarbeitings- und Schulingzentren von Banke und Kreditchartegsellschafte sind hüt wichtigi Arbeitgeber.
VercheerBearbeite
Horge hät vier Bahnhöf, drei sind vo de SBB und eine vo de Sihltalbahn. A de Gotthardlinie (vo Zug) liit uf 514 m ü.M. de Bahnhof Sihlbrugg Station (noch em Albistunnel im Sihltal). Noch em Zimmerbergtunnel i Richtig Thalwil liit uf 483 m ü.M. de Bahnhof Horge Oberdorf. A de Linie vo Chur liit uf 409 m ü.M. de Bahnhof Horge. Beidi Linie füered wiiter seeabwärts Richtig Züri. De vierti Bahnhof gheisst Sihlwald und isch hüt Endstation vo de Sihltalbahn. Bis zum Fahrplanwächsel im Herbst 2006 sind d Züg witer bis Sihlbrugg Station gfaare und me hät döt uf d SBB chöne umstiige.
Näbet de vier S-Bahnhöf hät Horge en Aaschluss a d Autobahn A3, e Fähre uf Maile und no d Kursschiff uf em Zürisee. I de Gemeind fahred Büs.
TieläktBearbeite
De züritüütsch Tieläkt vo Horge ghört zue de Seemundarte.
LüütBearbeite
- Elisabeth Feller, Gschäftsfrau
BüecherBearbeite
- Johannes Strickler: Geschichte der Gemeinde Horgen nebst Hirzel und Oberrieden. Festgabe zur hundertjährigen Kirchweihfeier. Schläpfer, Horge 1882
- Paul Kläui: Geschichte der Gemeinde Horgen. Horge 1952
- Gemeinde Horgen (Hrsg.): Horgner Jahrheft. Erschiint alljahr siit 1977.
WeblinkBearbeite
Commons: Horge – Sammlig vo Multimediadateie- offizielli Website
- Gisela Nagy-Braun, Martin Illi: Horgen (Gemeinde). In: Historisches Lexikon vo dr Schwiiz.
FuessnoteBearbeite
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
- ↑ 2,0 2,1 2,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
