f

Albis
en Blick uf d Albis-Chetti, vorne de Zimmerbärg
en Blick uf d Albis-Chetti, vorne de Zimmerbärg

en Blick uf d Albis-Chetti, vorne de Zimmerbärg

Hechi 914,6 m ü. M.
Lag Kanton Züri, Schwiz
Dominanz 11 km → Blämehöchi
Schartehechi 374 m ↓ Sihlbrugg
Geografischi Lag 682695 / 235633Koordinate: 47° 15′ 59″ N, 8° 31′ 53″ O; CH1903: 682695 / 235633
Albis (Kanton Zürich)
Albis (Kanton Zürich)
Albis
Albis
Typ Süesswassermolasse
Gstei Mergel, Mergel-Sandstai, Molasse-Nagelflue, Nagelflue

Dr Albis isch e Bärgchetti im Kanton Züri.

Dä längzognig und drby zimli schmaal Bärgzuug foot im Süde bi Sylbrugg aa und goot bis uf Urdorf, Uitike und Schliere im Weschte vo Züri. Er isch öppe 22 Kilometer läng und bildet uf vil Abschnitt en Bärggraat, wo meischtens au d Gränze zwüschet de Gmeinde uf beide Syte druff laufe.

Uf dr Weschsyte sind under am Albis s Platoo vo Huuse, dr Türlersee und s Reppischtaal, uf dr Oschsyte lyt s Syltaal mit em Sylwald. Vo Sylbrugg a ufzellt sind die bedüütendere Höchine uf em Albis s Mätteli, s Albishorn, dr Bürgle, wo dr höscht Punkt vom Albis isch (914 Meter über Meer), d Hochwacht, dr Ober Langnauerbärg, d Felsenegg und dr Üetlibärg.

Bi dr Buechenegg und em Albispass sind Stroosse über e Bärg bout worde, und a divärse Stelle cha me uf Fuesswääg über de Bärg, so wie bi dr Baldere und dr Schnabellücke. Vo Adliswil us goot e Säilbahn uf d Felsenegg, vo Leibach us eini uf Mädike, und uf e Üetlibärg fahrt d Üetlibärgbahn.

D Oschtflangge vom Albis isch wäge dr Erosion vo dr Yschzyt a vilne Stelle zimli steil. Es het au grossi Abschnitt, wo’s a de Felswänd vo Nagelflue und Sandschtei immer wider Ärdrütsch git, wie öppen i dr Falätsche.

Weblink ändere

  Commons: Albis – Sammlig vo Multimediadateie