Zug (Stadt)

Zug
	Wappe vo Zug
Basisdate
Staat:	Schwiiz
Kanton:	Zug (ZG)
Bezirk:	(Dr Kanton Zug kennt kei Bezirk.)
BFS-Nr.:	1711
Poschtleitzahl:	6300–6305, 6310
UN/LOCODE:	CH ZLM
Koordinate:	681730 / 224836Koordinate: 47° 10′ 10″ N, 8° 31′ 0″ O; CH1903: 681730 / 224836
Höchi:	425 m ü. M.
Flächi:	33,8 km²
Iiwohner:	31'469 (31. Dezämber 2022)
Website:	www.stadtzug.ch
	Blick vom Zugerberg uf Zug Blick vom Zugerberg uf Zug
Charte
	Charte vo Zug

Zug isch en Iiwohnergmeind und dr Hauptort vom Kanton Zug in dr Schwiiz.

Geographii

D Lag

D Stadt Zug lit am Zugersee uf ere Höchi vo 425 m ü.M, iibettet zwüschen em nordöstlige Ufer vom Zugersee und em Fuess und de undere Westhäng vom Zugerbärg, in dr Zentralschwiiz, im Schwiizer Mittelland. Si isch 23 km südlig vo Züri (Luftlinie).

Flechenutzig

S Gebiet vo dr Gmeind isch 33,8 km² gross und umfasst en Abschnitt am Nordostufer vom Zugersee, am Übergang vom Schwiizer Middelland zur voralpine Hügellandschaft. E chli meh as 12 km² vom Gmeindigebiet entfalle uf e Zugersee. D Lengi vom Seeufer vo Zug isch öbbe 11 km und goht vo dr Bucht östlig vo Cham bis an Lotebach in dr Nöchi vo Walchwil. Dr Landaadeil vo der Zuger Gemeindiflechi het 1997 zu 23,8 % us Siidligsflechi bestande, zu 35,5 % us Landwirtschaftsflechi, zu 38,1 % us Wald und Ghölz und zu 2,6 % us umbroduktiver Flechi.

Gwässer

Em Nordufer vom Zugersee nooch isch d Lorzenebeni (mä sait ere au Baarer Ebeni) wo öbbe 1 km breit isch uf ere durchschnittlige Höchi vo 420 m ü.M. lit. Das isch e Schwemmebeni, wo noch dr letzte Iiszit dur Erosionsmaterial, wo d Lorze us ihrem obere Iizugsgebiet mitgfüehrt het, ufgschüttet worden isch. Drei Wasserläuf münde us dere Ebeni in dr See, nämlig vo Weste uf Oste dr Steihuuser Dorfbach, wo d Westgränze vom Gmeindigebiet bildet, die Alti Lorze und die kanalisierti Lorze. Dr underi Lorzelauf isch 1976 korrigiert und um meh as 1 km ostwärts verleit worde. Während die früehneri Lorzemündig dur e Schwemmcheigel bi dr Chollermüli kennzeichnet isch, mündet dr begradigti Flusslauf bim Erholigsgebiet Brüggli in Zugersee.

Politik

D Legislative isch de Gross Gmäindrat. Er hät 40 Lüüt, wo all vier Jaar im Proporz gwäält wärded.

D Exekutive isch de Stadtrat. Er hät föif Lüüt und wird au all vier Jaar im Proporz (nöd öppe im Majorz wie suscht wytumen i der Schwyz) gwäält. Nu de Stadtpresidänt wird im Majorz gwäält.

Wirtschaft

Uf rund 30'000 Ywoner vo der Stadt chömed öppe 12'000 regischtrierti Firme und öppe 40'000 Arbetsplätz. Vili multinazionali Undernäme händ iri Verwaltigssitz i der Stadt. Daderzue ghööred d Glencore, wo im Roostoffhandel tätig isch, d BASF-Tochter Wintershall und Unilever. Au im Finanzsektor isch vill los. Dezue ane gits vill Holding-Gsellschafte, Domizilgsellschafte – me säit ene gärn Briefchaschtefirme – und Treuhandbüro z Zug. D Siemens-Gebäudetächnik isch mit guet 1900 Agstellte de gröscht Arbetgäber z Zug. De zwäitgröscht Arbetgäber isch de Kanton Zug; däm sini Verwaltig git rund 1'600 Mäntsche en Arbet. Wyteri grossi Arbetgäber sind d V-Zug, d Zuger Stadtverwaltig, d Zuger Kantonalbank, de Coop Zäntralschwyz-Züri und d Argo-Hytos-Gruppe.

Zug hät zwar nidrigi Stüüre, aber s Läben isch tüür.

Lüüt

Andreas Blum (1938–2024), Radiojournalist, Radiotiräktor, Schauspiler, Politiker und Spitzensportler
Peter Dalcher (1926–2010), Sprachwüsseschafter und Läxikograf
Beat Dittli (* 1955), Nameforscher
Annelies Häcki Buhofer (* 1954), Sprachwüsseschafteri und Managerin
Thomas Hürlimann (* 1950), Schriftsteller
Walo Lüönd (1927–2012), Schauspiler
Peter Ott (1942–2023), Sprachwüsseschafter, Läxikograf und Hischtoriker
Gerhard Pfister (* 1962), Politiker
Simonetta Sommaruga (* 1960), Bundesrääti

Literatur

Peter Hoppe: Zug (Gemeinde). In: Historisches Lexikon vo dr Schwiiz.
Sibylle Omlin, Christian Raschle, Sonja Stauffer, Josef Wüest: Zug – Stadt und Kanton. Balmer, Zug 2002, ISBN 3-85548-048-6.

Weblink

Commons: Zug – Sammlig vo Multimediadateie

Fuessnote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[1]