Kanton Gämf

Sälle Artikel oder Abschnitt brucht e Iberarbeitig un sott dorum durgluegt werre. Des cha de sprochliche Stil, s Format vum Artikel, oder de Inhalt beträffe. Nächers isch in dr Regel uf dr Diskussionssite agee. Hilf bitte mit, die kritisierte Passasche z verbessere un nimm druffabe die Markierig use.

Dr Kanton Gämf isch e Kanton im Südweschte vo dr Schwiiz. Offiziell gheisst er uf Französisch République et Canton de Genève; übersetzt isch das uf Dütsch Republik und Kanton Genf, uf Iteliänisch Repubblica e Canton Ginevra, und uf Rätoromanisch Republica e Chantun Genevra; und di Änglischsprochige säge Geneva.

Republik und Kanton Genf République et Canton de Genève
Wappe vum Republik und Kanton Genf République et Canton de Genève
Wahlspruch: Post tenebras lux («Nach dr Fischternis ds Liecht»)
Basisdate
Staat:	Schwiz
Abchürzig:	GE
Amtssproche:	Französisch
Hauptort:	Genf
Flächi:	282 km² (Rang 21)
Iwohner:	477'364^[1] (31. Mai 2014) (Rang 6)
Bevölkerigsdichti:	1693 Iw./km² (Rang 2)
Bitritt zuem Bund:	1815
Kantonshyme:	Cé qu’è lainô (inoffiziell)
Websyte:	www.GE.ch
Lag
Lag vum Republik und Kanton Genf République et Canton de Genève in dr Schwyz
Charte
Charte vum Republik und Kanton Genf République et Canton de Genève
Gmeinde
Gmeinde im Republik und Kanton Genf République et Canton de Genève

Geografii

Dr Kanton Gämf lyt im südweschtligschte Zipfel vo dr Schwiiz und isch fascht ganz vo Frankriich umgee. Nur im Nordoschte uff 4,5 km hett er e gmeinsami Gränze mit em Schwiizer Kanton Waadt. De Kanton hät mit de Gmaind Céligny e Exklave im Waadtland.

Dr Kanton Gämf befindet sich am undere Ändi vom Gänfersee, wo dr Rotte (uf französisch: Rhône) dr See verloot.

Gschicht

Dr Kanton Gämf isch ane 1815 bildet und dr Schwiiz aglideret worde. D Stadt Gämf het vorhär sid em 16. Joorhundert ängi Bezieige mid einzelne Schwiizer Ständ gha, isch aber nid zu de Glider vo dr Alte Eidgnosseschaft zelt worde.

Bevölkerig

Im Kanton Gämf schwätzt me französisch. Mit 41 Prozänt vo de Ywooner hett er fascht en dopplet so hoche Usländerateil wie d Schwiiz im Schnitt. Die meischte agsässene Gämfer sin traditionell reformiert, nid umsusch, schliesslig isch Gämf d Stadt, wo dr Reformator Johannes Calvin gwürkt het. Dur d Zuewanderig us andere Kantöön und us dr französische Nochberschaft hän mittlerwyle aber d Katholike d Meerheit i dr Stadt Gämf.

Politik

Dr Kanton het 45 Gmeinde; lueg bi dr Lischte vo de Gämfer Gmeinde. Bezirk gitts keni.

Weblink

Commons: Kanton Gämf – Sammlig vo Multimediadateie

Offizielli Website vum Kanton Gämf (französisch)
Offizielli Statistik
Martine Piguet, Jean Terrier, Redaktion, Liliane Mottu-Weber, Charles Heimberg, Irène Herrmann: Genf (Kanton). In: Historisches Lexikon vo dr Schwiiz.

Fuessnote

↑ Population résidante du canton de Genève, selon l’origine et le sexe, par commune, en mai 2014. Office cantonal de la statistique (OCSTAT) (XLS, 154 kB). Office cantonal de la statistique (OCSTAT). Republik und Kanton Genf. Abgruefe am 28. Juli 2014.

[Iwohner-1] Population résidante du canton de Genève, selon l’origine et le sexe, par commune, en mai 2014. Office cantonal de la statistique (OCSTAT) (XLS, 154 kB). Office cantonal de la statistique (OCSTAT). Republik und Kanton Genf. Abgruefe am 28. Juli 2014.

[1]