Bäch SZ
| S SZ im Lemma isch s offiziell Chürzel vom Kanton Schwyz und wird bruucht, zum Verwächslige mit Yträäg vom Name Bäch vermyde, wo öppis anders meined. |
| Bäch SZ | |
|---|---|
 | |
| Basisdatä | |
| Staat: | Schwiiz |
| Kanton: | Schwyz (SZ) |
| Bezirk: | Höfe |
| Gmeind | Freiebach |
| PLZ | 8806 |
| Koordinate: | 697672 / 228619 |
| Höchi: | 410 m ü. M. |
| Website | - |
| Charte | |
 | |
| Dialäkt: Züridütsch (See) |
Bäch SZ isch e Ortschaft i dr politische Gmeind Freiebach im schwiizerische Kanton Schwyz.
GegografiiBearbeite
S Dorf liit am Zürisee und schtosst im Nordweschte fascht a d Zürcher Kantonsgrenze. Bäch isch es Schtraassedorf, d Mehrzahl vo de Gebäude liit a dr Hauptschtraass, wo sich zwüschet eme Berghang und em Zürisee entlang zücht. De Ortsteil Bächau isch e Halbinsle, wo dur s uusbaggere vo Chiis us em See entstande isch. D Firma Kibag betribt döt näbet irem Chiiswärk, en Bootshafe mit Tankstell und eme Winterquartier för d Böötli.
GschichtBearbeite
Bäch isch scho sehr früeh i dr Gschicht erwähnt worde, wil d Faktorei vor vilne hundert Jahre dr Chnotepunkt für d Salzuusliferig rund um de Zürisee gsii isch. Im Lauf vo dr Ziit häts jedoch schtarch a Bedüütig verlore.
Früener isch de Ort e Fasnachtshochburg gsii. Sit Mitti vo de 1990er-Jahr isch der Bruuch (d Bächer-Fasnacht) allerdings fascht uusgschtorbe.
VariaBearbeite
Bäch isch liecht erreichbar mit de S-Bahn vo Züri und über d Autobahn A3, Aaschluss Wollerau. Es git z Bäch e Post, e paar Beize, en Chindergarte und es Primarschuelhuus.
Wäg de schöne Laag am Zürisee und em günschtige Stüürfuess vo de Gmeind Freiebach isch Bäch en beliebte Wohnort. Es wonet under anderem d Shawne Fielding (Ex-Frau vom Botschafter Thomas Borer) und d Patty Schnyder z Bäch und de Tennis-Spiller Roger Federer hät do e Wonig.[1]
WeblinkBearbeite
Commons: Bäch SZ – Sammlig vo Multimediadateie- Paul Wyrsch: Bäch. In: Historisches Lexikon vo dr Schwiiz.
- Bäch uf de Website vo de Gmeind Freiebach
FuessnooteBearbeite
- ↑ Roger und Mirka: Hier haben sie ihr neues Idyll gefunden Artikel vom 3. Mai 2007 uf Blick.ch, abgruefe am 14. Dezember 2012
|
Dä Artikel basiert uff ere fräie Übersetzig vum Artikel „Bäch_SZ“ vu de dütsche Wikipedia. E Liste vu de Autore un Versione isch do z finde. |