Jungfräubaan

D Jungfräubaan isch e elektrischi Zaanraadbaan i de Schwiz. Sii isch zum grööschte Täil im Kanton Bärn, d Ändschtation isch jedoch im Kanton Wallis. D Jungfräubaan isch bekannt für dii höchschti Baanschtation vo Europa (Jungfraujoch 3454m). S letschte Täilschtükk isch 1912 eröffnet worde. Ungefäär 3/4 vo de Schtrekki isch i de Bärge Eiger und Mönch.

Jungfräubaan

D Talschtazion uf de Chline Scheidegg

S Logo vo de Jungfräu Holding AG

Fahrblanfäld:

311, 312

Streckelengi:

9,34 km

Spurwyti:

1000 mm (Meterspur)

Stromsystem:

1125 V, 50 Hz ∆

Maximali Neigig:

250 ‰

Zahnstangesystem:

Strub

Legende

0,0	Chlini Scheidegg	2'061 m ü. M.
	Aaschluss a d Linie vo de Wängneralpbaan
	vo Luterbrunne und Grindelwald
1,0	Dienschtstazion Fallbode	2'150 m ü. M.
	Galeri (84 m)
2,0	Baanhof Eigergletscher	2'320 m ü. M.
	Aaschluss a d 3S Säilbaan Eiger Express
	Tunnel (2320 m)
4,3	Tunnelschtazion Eigerwand	2'864 m ü. M.
	Tunnel (1400 m)
5,7	Tunnelschtazion Iismeer	3'158 m ü. M.
	Tunnel (3600 m)
9,3	Tunnelschtazion Jungfräujoch	3'454 m ü. M.

Gschicht

En undatierti Ufnahm us den Aafäng vo de Jungfräubaan

Im 19. Jaarhundert sind i de Schwiz viili Bärgbaane bäud worde. So häts äu viili Idee gää für a Baan of d Jungfrau. Vor de hütige Jungfräubaan häts 4 konkreti Plän gää. Dii Plän sind aber ganz verschiide. Bim einte Plan hättet d Passagier de Gipfel mit ere pneumatische Baan erreicht. Bim erem wiitere Projekt isch e Baan mit elektrischem Atriib plant worde. S Projekt hät au e Konzession becho. S Projekt isch aber a de Finanzierig gschiitert. Wo de Adolf Guyer-Zeller im Jaar 1893 wäärend ere Bärgwanderig en Zug vo de Wängneralpbaan gse hät, hät er de Entschluss gfasst, d Jungfräubaan z baue. Es Jaar schpäter hät er d Konzession unter äinere Bedingig becho. Er hät müesse bewiise, das de Ufenthalt i so grosse Höe für Mänsche medizinisch unbedänklich isch. Darum hät er e Expedition mit sibe Teschtpersoone ufs Breithorn gstartet. D Jungfräubaan isch fascht so, wie er si plant hät. De äinzig Unterschiid isch, dass nume ufs Jungfraujoch bäut worde isch und nöd bis zum Gipfel.

Im Jaar 1896 händs mit em Bäu agfange. Zerscht händs die offnige Schtrekki bis zum Eigergletscher in Aagrif gnoo. Nach mee als zwäi Jaar Bäuzit sind die erschte Züg uf de Schtrekki gfare. D Arbäiter händ käi Maschine für d Schtrekki vo de Chline Schäidegg bis zum Eigergletscher zur verfüegig gha. Denach händs mit de Schprängarbäite im Tunnel agfange. Drüü Schichte a je 8 Schtund händs chrampfet. D Inbetriibnam vo de Schtaion Rootstock isch de letschtii Erfolg wo de Adolf Guyer-Zeller erläbt hät. Nachdem er gschtorbe isch, hät mer de Wiiterbäu in Frag gschtellt. Sini Erbe händ de Bäu aber nach kurzem Unterbruch wiitergfüert. Nachdem d Akziegsellschaft d Schtation Iismeer eröffnet hät, hät s Unternämme nöis Gäld mösse beschaffe. D Jungfräubaan hät für d Arbäiter en Aräiz gmacht, sich mee müe zgää, d Schicht wo de Durchbruch macht, hät a Sonderprämie becho. Am Morge vom 21. Februar händs de Durchbruch gschaft und am 1. Auguscht isch de erschti Zug ufs Jungfraujoch gfaare. S gsamte Projekt hät 16 Millione Franke koschtet. Durschnittlich wäred das pro Jaar äi Million Franke.

Bewilligung: 21. Dezämber 1894
Bäubegin: 27. Juli 1896
Eröffnig Schtation Eigergletscher: 19. Septämber 1898
Eröffnig Schtation Rotstock: 1899
Eröffnig Schtation Eigerwand: 28. Juni 1903
Eröffnig Schtation Iismeer: 25. Juli 1905
Eröffnig Schtation Jungfraujoch: 21. Februar 1912

(Bide Eröffnig vo erem Baanhoof isch gmeint d Schtrekki zum Baanhoof und de Baanhoof sälber.)

Weblink

Commons: Jungfraubahn – Sammlig vo Multimediadateie

Offizieli Website (Hochdütsch)
Aktuelli Posizion vo de Züg und Füererschtandvideos (Hochdütsch)
Panoramakamera

Dä Artikel basiert uff ere fräie Übersetzig vum Artikel „Jungfraubahn“ vu de dütsche Wikipedia. E Liste vu de Autore un Versione isch do z finde.