Kanadisch-arktische Archipel

Kanadisch-arktische Archipel haisst a rysigi Inselwält im Norde vo Kanada. Dä Archipel liggt weschtlich vo Grönland und es läbe nur wenig Lüt dört, weniger als 20'000. Politisch ghört dr gröschti Teil vom Archipel zum Territorium Nunavut, e chline Teil im Südweschte zue de Northwest Territories. Die meischte Ywooner läbe uff dr Baffin-Insle, öbbe 10'000 in Iqaluit, dr Hauptstadt vo Nunavut.

E typischs Bild us em Archipel, uffgno am 26. Juni 1988. S Meerys schmilzt langsam wäg, groosi Gletscher ligge hinter Stuuchmoräne. (Axel Heiberg Island, Glacier Fiord)

D Baffin-Insle mit ere Flächi vo mehr als 500'000 km² isch größer als Dytschland (357'588 km²). Landschaftlich interessant und guet erforscht sind d Axel-Heiberg-Insle, d Ellesmere-Insle und ganz im Norde dr Quttinirpaaq-Nationalpark mit dr Ward-Hunt-Insle. Uff dr Cornwallis-Insle, rund 7000 km² groos, isch in Resolute Bay s logistischè Zäntrum für alli Aktivitétè in der öschlichè kanadischè Hocharktis.

Weblink

 Commons: Canadian Arctic Archipelago – Sammlig vo Multimediadateie