Kap Columbia

S Kap Columbia isch dr nördlichschti Punggt vo Kanada. Es liggt uff dr Ellesmere-Insle im kanadisch-arktische Archipel und ghört zum Quttinirpaaq-Nationalpark. Vom Kap Columbia uss sind s übr dr Arktischi Ozean bis zum Nordpol nur 766,8 Kilometr.

S Pagg-Ys vom Arktische Ozean staut sich vor em Kap und schièbt e gwaltige “Präss-Ys-Rugge” uff. S Flugzüg isch uf em Fescht-Ys glandet, wo unbeweglich am Kap aagfroore isch. (Uffnaam vom April 1990)

Uff em Arktische Ozean schwimmt Pagg-Ys, wo wägem Klimawandel langsam schmilzt und nur 2 Meter oder sogar weniger digg isch. Die ganzi Ysdeggi bewegt sich mehr als 100 Meter am Tag em Kap entlang vo Oscht nach Wescht. Es staut sich so vor em Kap Columbia und schièbt e grosse Präss-Ys-Rugge uff.