Karin Lanz

D Karin Lanz (* 16. Merz 1977 z Tielschtorf) isch e Schwyzer Moderatori, Schauspileri un Unternämeri.

Lääbe un Wirke

D Karin Lanz isch 1998 Finalischti bi dr Wahl zue dr Miss Schwyz gsii. Ab 1999 het si verschideni Färnsehformat fir dr erscht national Privatsänder TV3 moderiert. Si bresäntiert s Wetter un Extrashow wie Valentinstag mit em Björn Hering, oder TV3 auf die 3 mit em Dani Fohrler, wu si 2000 au di erscht Stapfle vu Big Brother Schwyz mit em bresäntiert ghaa het. Noch em Sändeschluss vu TV3 2001 het si unter anderem d Färnsehsändig Upps! Die Schweizer Pannenshow uf em Färnsehsänder 3 Plus TV moderiert un au verschideni Veraastaltige. Vu 2011 bis 2014 isch si as Wisseschaftsreporteri fir d Rubrik Wie jetzt...?! fir Nano 3sat au international unterwägs gsii.

Vu 1999 bis 2000 het d Karin Lanz e Schauspiluusbildig an dr European Film Actor School z Züri un vu 2000 bis 2002 am The Actor's Center Rome gmacht. Derno het si in e baar Färnsehproduktione un Kinofilm mitgwirkt un het e Roll im James-Bond-Film Quantum of Solace iberchuu.

D Karin Lanz isch Mueter vu zwai Chinder. Si wohnt z Züri.

Mittlerweyli het si d Lanz us em Färnseh- un Fimgschäft zruggzoge un engaschiert si fir d Kraislaufwirtschaft. Syter anne 2015 bringt d Lanz mit dr Lanz Natur AG e aigeni Linie fir Naturkosmetik uuse.

Filmografy

• 2006: Handyman (Kinofilm)
• 2006: Flanke ins All (Färnsehfilm)
• 2008: Tag und Nacht (Färnsehserie)
• 2008: Geld oder Leben (Kinofilm)
• 2008: James Bond – Ein Quantum Trost (Quantum of Solace)
• 2009: Die 10 (Färnsehserie)

Weblink

• Websyte vu dr Karin Lanz
• Karin Lanz in dr Internet Movie Database
• d Karin Lanz uf futurewoman.de

Fueßnote

Dä Artikel basiert uff ere fräie Übersetzig vu dere Version vum Artikel „Karin_Lanz“ vu de dütsche Wikipedia. E Liste vu de Autore un Versione isch do z finde.