Karl Friedrich Gegauf
Dr Karl Friedrich Gegauf (* 13. Dezember 1860 z Wahlwies; † 13. Dezember 1926) isch ä Schwiizer Erfinder und Undernähmer gsi.
Läbe und Wärk
ändere
Dr Karl Friedrich Gegauf isch 1860 in Wahlwies z Schdockach (Bade-Würtebärg) uf d Wält cho. Im Früehlig 1890 isch er vo Tägerwile im Thurgau noch Steckborn TG zooge und het im Refektorium vom Chloschder Feldbach ä Schdickerei und ä Wärkschdatt für d Broduktion von erä Monogrammschdickmaschine, won er erfunde het, ufgmacht. 1892 het er die erschdi Hohlsuummaschine entwicklet und s Schwiizer Patent No. 4670 drfür übercho. Noch emä Brand in dr Schdickerei het sich s Undernähme ehnder uf d Produktion vo Hohlsuummaschine konzentriert. Si si so berüehmt worde, ass mä dr mechanische Herschdellig vo Hohlsüüm „Gegaufe“ gsait het. Dr Uusbruch vom Erschde Wältchrieg isch ä Schlag für em Gegauf si Fabrik gsi, wo dr Verchauf vo Hohlsuummaschine ins Uusland verbote worden isch. Noch em Chrieg het er 1919 d "Karl Friedrich Gegauf" gründet. 1923 het er z Steckborn ä Chunschtsiidefabrik ufdoo und ä Underbind- oder Fitzmaschine entwigglet.
Noch em Dod vom Karl Friedrich Gegauf am 13. Dezember 1926 hai siini Söhn Fritz (1893-1980) und Gustav d Fabrik übernoh.
Weblink
ändere- Familie Gegauf bi Bernina International
- André Salathé: Gegauf, Karl Friedrich. In: Historisches Lexikon vo dr Schwiiz.