D Stadt Kerman im Iran

Kerman (persisch کرمان‎) isch en iranischi Stadt in dr Browinz Kerman. Kerman isch 1'076 km vo Teheran in ere Eebeni und 1'755 m über NN. 2006 het d Stadt 636'242 Iiwooner ghaa.

Kerman کرمان
Blick uf Kerman Blick uf Kerman
Kerman کرمان (Iran) Kerman کرمان Kerman کرمان
Basisdate
Staat:	Iran Iran
Provinz:	Kerman
Koordinate:	30° 17′ N, 57° 4′ O30.28694444444457.0691666666671755
Hööchi:	1.755 m
Iiwooner:	636.242 (2006)
Zitzoone:	UTC+3:30

Um d Stadt ume het s uf e baar Site Bärg. Wäge däm isch s im Norde droche wie in dr Wüesti, aber im Süde isch s Klima gmäässigt.

Gschicht

Es isch mööglig, as d Stadt vom sassanidische Köönig Ardaschir I. im dritte Joorhundert gründet worde isch. Si het denn Ardashir-Choreh ghäisse. D Araber häi dr Stadt Bardasir oder Bardaschir gsäit und d Perser Guwaschir.

D Kerman-Seldschuke häi d Sitelinie vo de Buyide vo Kerman (936–1048) gstürzt und au d Ghaznawide us dr Region verdrängt, und vo 1048–1188 isch Kerman s Zentrum vom Riich vo de Kerman-Seldschuke gsi, wo vom Sultan Qawurd abgstammt si. Im Qawurd si Brueder Alp Arslan isch dr Herrscher vom Riich vo de Groossseldschuke gsi, wo vo Persie bis Sürie gange isch, si Groossgusää Sulaiman het s Sultanat vo de Rum-Seldschuke in Anatolie gründet. Iir Rich isch 1140 bis uf Oman uf dr Arabische Halbinsle gange. Denn häi d Oghuse z Kerman d Macht übernoo, aber die häi sich scho 1195 de Choresm-Schahs müesse underwärfe.

Dr Marco Polo het in sim Bricht noch em „Il Milione“ Kerman as Kierman beschriibe.

Scho im 11. Joorhundert isch d Meerhäit vo dr Bevölkerig schiitisch gsi, aber erst noch dr Erooberig 1502 dur die imamitische Safawide isch d Stadt „schiitisiert“ worde. Bis 1794 het dr letscht vo de Zand-Brinze, wo s Land vo 1750 aa beherrscht häi, z Kerman residiert. Im Joor 1842 het dr ismailitisch Aga Khan I. dört en Ufstand aazettlet, wo aber nid glunge isch.

• 
  Dr Chopf vom ene Ross us dr Sassanidenära (4. Jh., gfunde z Kerman, hüte im Louvre, Paris)
• 
  S Graab vom Schah Nur ad-Din Nimat Allah Walis (im Dorf Mahan)
• 
  S Masdschid-Door

Hochschuele und Universidääte

• Shahid Bahonar University of Kerman Äins vo de wichdigste technologische Institut im Iran.
• Kerman University of Medical Sciences
• Islamic Azad University of Kerman
• Kerman Khaje-Nasir Higher Education Center

Weblingg

 Commons: Kerman – Sammlig vo Multimediadateie

• Photos und Beschreibungen der Sehenswürdigkeiten von Kerman
• Photos und Beschreibungen der Sehenswürdigkeiten von Kerman und Umgebung (Mahan, Arg-e Bam, Prinzengarten, Jupar)
• Iran Chamber Society's page on Kerman
• Photos of historic sites in Kerman
• Impressions from Kerman
• Edareh Kar Kerman
• Encyclopedia of the Orient

Dä Artikel basiert uff ere fräie Übersetzig vum Artikel „Kerman_(Iran)“ vu de dütsche Wikipedia. E Liste vu de Autore un Versione isch do z finde.