Wenger Kilian
De Wenger Kilian (* 11. Mai 1990 vo Horbode) isch en Schwiizer Schwinger.
Schwinge ändere
De Wenger Kilian het im 2007 sin erschte Kranz gwunne. Bim Eidgnössische Schwing- und Älplerfäscht im 2010 isch er Schwingerkönig worde. Zum erschte Mol sit em Siig vom Ernst Schläpfer im 1980 het er alli 8 Kämpf gwunne. Sin Club isch de Schwingklub Nidersimmetal. Sini bevorzuegte Schwüng sind de Kurz, de Chrüzgriff und de inneri Hake. Er het e Körperlängi vo 190 cm und es Gwicht vo 98 kg. Bisher het er 43 Kränz gwunne.
Privats ändere
De Wenger Kilian isch us em Diemtigtau im Bärner Oberland. Er isch glärnte Metzger, macht e Lehr aus Zimmermaa u wohnt z Thun.