Chilchechreis Augschburg
Dr Chilchechreis Augschburg (dt. Kirchenkreis Augsburg) umfasst s glyych Gebiet wie dr bayrisch Regierigsbezirk Schwobe. Uugfehr 300.000 evangelischi Chrischte läbe in iber 150 Chilchegmeine, wu in sibe Dekanatsbezirk zämmegfasst sin. Dr Sitz vum Oberchilcherot (Regionalbischof) isch Augschburg.
Gschicht
ändere
Dr Chilchechreis Augschburg isch anne 1971 yygrichtet wore un isch dodermit dr jingscht vu dr segs bayrische Chilchechreis. Einewäg chenne di Evangelische im bayrische Schwobe uf langi Gschicht zruckluege. In dr friejer freje Ryychsstedt Augschburg, Kaufbeure, Kempte, Lindau, Memminge un Nearle, in dr Gebiet um Memminge, Neu-Ulm un im Ries, derzue au in vereinzelte eemolige Ryychsritterschafte goht d proteschtantisch Tradition bis in d Reformationszyt im 16. Johrhundert zruck. Vil evangelischi Gmeine sin in dr Zyt vu dr Induschtrialisierig un em Böu vu dr Yysebahn an dr Wändi zum 20. Johrhundert grindet wore. D Heimetverdribene sin vilmol evangelisch gsi un hän wäge däm dr Uuasschlag gee fir d Grindig vu neje evangelische Gmeine noch em Zwete Wältchrieg. Dur die gschichtlig Entwicklig git s hite z Bayrisch-Schwobe ganz unterschidligi konfessionälli Verhältnis. Im Siden, vor allem im Allgai, git s Evangelischi in eme Umfäld, wu in dr Mehrheit katholisch pregt isch, im Ries git s dergege au reini evangelischi Derfer.
Oberchilcheret
ändere- Prof. Walter Rupprecht (1971-1983)
- Johannes März (1983-1996)
- Dr. Ernst Öffner (1996-2009)
- Michael Grabow (syter anne 2009)
Dekanat
ändereKurseelsorg
ändereE wichtigi Roll im chilchlige Läbe im Chilchechreis Augschburg spilt d Gescht- oder Kurseelsorg. An vile Orte wäre Bärggottesdienscht un anderi Veraastaltige aabote, wu sich vor allem an di zahlryyche Urlauber un Kurgescht in d Turismuszäntre wände.
Weblink
ändere
|
Dä Artikel basiert uff ere fräie Übersetzig vum Artikel „Kirchenkreis_Augsburg“ vu de dütsche Wikipedia. E Liste vu de Autore un Versione isch do z finde. |