Kleikunschtpreis Bada-Wirdaberg

Dialäkt: Schwäbisch

Dr Kleikunschtpreis Bada-Wirdaberg ischt a Auszeichnong, wo seit 1986 vo dr Regirong vom Land Bada-Wirdaberg vorliha wuud. Mr muaß mendeschdens 16 Johr alt sei, om den Preis kriaga zo kenna. Teilnahmeberechdigt send sowohl Einzlpersona wia au Grubba.

Zweck ändere

Mit-em Preis sollet Perseenlichkeida auszeichnet werra,

  • wo sich om d Kleikunscht em Land Bada-Wirdaberg vordeant gmacht hend ond
  • wo talendiirt, abr noh et arg bekannt send ond drom a Ferderong vordeant hend.

Betreit werra duat der Preis vo dr Akademie Schloss Rotenfels z Gaggenau.

Dotiirong ändere

Vorgeba werdet en dr Regl en jedem Johr drei Hauptpreis ond oi Ehrapreis zo je 5.000 Euro ond – seit-em Johr 2.000 – oi- bis zwoimol jeweils 2.000 Euro zor Ferderong vo jonge Talent. Finanziirt wuud der Preis jeweils zor Hälfde vom Land Bada-Wirdaberg ond vo dr Staatlicha Toto-Lotto GmbH Baden-Württemberg.

Jury ändere

Ausgsuacht werdet dia Preisträger vo-ra 10-kepfiga Jury, wo sich zammasetzt aus Kridiker, Voroostalder ond namhafde Interpreda, do dronder dr Stuegerter Kabareddischt Christoph Sonntag, d Karlsruher Musik-Kabareddischdin Annette Postel sowia dr Christoph Mohr ond dr Lothar Hasl vom Sidweschtrundfunk.

A Auswahl vo de Preisträger ändere

(soweit en dr alemannischa Wikipedia an Ardikel driber exischdiirt)

Weblink ändere