Korallemeer

S Korallemeer oder d Korallesee isch e Näbemeer vum Pazifische Ozeans zwische Auschtralie, Neiginea, dr Salomoninsle un Vanuatu.

Im Nordoschte gränzt s an d Salomonesee un im Siden an d Tasmansee, iber d Torres-Stroß stoht s im Nordweschte mit dr Arafurasee in Verbindig. Im Norde vum Korallemeer lyt dr Golf vu Papua un im Nordweschte d Torres-Stroß mit ihre Insle.

S Meer isch bregt dur e Huffe Koralleriff. Di greschte Riffkompläx sin d Great Barrier Reef vor dr auschtralische Kischte un s Neukaledonisch Barriereriff rund um Neikaledonie

Insle

Innerhalb vu dr iber 4.791.000 km² vum Korallemeer lige d Belep- un d Chesterfieldinsle, wu zue Neikaledonie ghere, un no dr Definition vu dr International Hydrographic Organization (IHO) au d Hauptinsle Grande Terre, d Loyalitetsinsle un d Île des Pins^[1]), derzue vor dr auschtralische ischte d Korallemeerinsle, syt 1969 e auschtralisch Ussebiet. Bis uf e bemannti Wätterstation uf Willis Islet sin die Insle nit bewohnt. Zue ihne ghert aus Lihou Reef, wu mit ere Lagune vu rund 2500 km² ais vu dr greschte Atoll vu dr Ärd isch. Zwische Great Barrier Reef un dr auschtralische Kischte, in dr Kischtegwässer vu Queensland, lige d Cumberland Islands mit dr turistisch wichtige Whitsunday Islands. Dr Louisiade-Archipel, wu zue Papua-Neiginea ghert, bildet d Gränze zue dr Salomonesee, lyt aber zum greschte Dail nerdli vu dr Gränzlinie, wu vu dr IHO fir s Korallemeer definiert woren isch. Dergege lige d Insle vu Vanuatu – di Neie Hebride, Banks- un Torres-Insle – no IHO-Definition im Korallemeer un bilde mit ihre Oschtkischte sy Oschtgränze.^[1]

D Gränze zue dr Tasmansee goht no dr IHO am 30. Sidlige Braitegrad lang vum auschtralische Feschtland zum Elizabeth Reef.^[1] In dr Praxis wird dergege zmaischt d Gränze zwische dr Kischtegwässer vu Queensland un New South Wales (eppe ai Grad nerdliger) au as Gränze zwische dr baide Meer aagsää, so dass je no Definition d Elizabeth and Middleton Reefs am Rand vum Korallemeer oder in dr Tasmansee lige.

Gschicht

Anne 1942 het s im Korallemeer e Seeschlacht zwische japanischen un alliierte Flotteverbänd gee, wu derzue gfiert het, ass d Japaner d Invasion vu Port Moresby abbroche hän.

Weblink

Commons: Korallemeer – Sammlig vo Multimediadateie

Fueßnote

↑ ^1,0 ^1,1 ^1,2 International Hydrographic Organization (1953): Limits of Oceans and Seas, 3rd edition Archivlink (Memento vom 8. Oktober 2011 im Internet Archive) (PDF; 994 kB), S. 37. Abgruefen am 7 Februar 2010.

-16.934166666667155.11Koordinate: 17° S, 155° O

Dä Artikel basiert uff ere fräie Übersetzig vu dere Version vum Artikel „Korallenmeer“ vu de dütsche Wikipedia. E Liste vu de Autore un Versione isch do z finde.

[IHO-1] 1,0 ^1,1 ^1,2 International Hydrographic Organization (1953): Limits of Oceans and Seas, 3rd edition Archivlink (Memento vom 8. Oktober 2011 im Internet Archive) (PDF; 994 kB), S. 37. Abgruefen am 7 Februar 2010.

[1]