Port Moresby

Port Moresby (Tok Pisin Pot Mosbi) isch d Hauptstadt vu Papua-Neiginea. As aini vu dr wenige Metropole vu Ozeanie het d Stadt iber 300.000 Yywohner (Stand 2009), doderby sin illegali Eländssidlige um d Stadt ume nit mitgrächnet.

Port Moresby
Port Moresby (Papua-Neuguinea) Port Moresby Port Moresby
Koordinate	9° 28′ S, 147° 10′ O-9.4666666666667147.16666666667
Symbole
Fahne Fahne
Basisdate
Staat	Papua-Neuguinea
Höchi	35 m
Flechi	240 km²
Iiwooner	307.643 (2009)
Dichti	1.281,8 Ew./km²
Website	www.ncdc.gov.pg
Port Moresby, Downtown Port Moresby, Downtown

Geografi

Lag

D Hafestadt Port Moresby lyt im Sidoschte vu dr Insle Neiginea an dr Sidkischte vu dr Korallesee. D Stadt lyt in ere windgschitzte Bucht un isch wäge däm zuen eme bevorzugte Ankerblatz fir d Schifffahrt wore. Port Moresby het e aigene Verwaltigsstatus as National Capital District un ghert nit zue aire vu dr 19 Provinze vu Papua-Neiginea.

Klima

Di klimatische Bedingige vu dr Stadt Port Moresby wäre dur di geografisch Lag in dr äquatornoche Zone vu dr Trope un dr Topografi vum Hinterland beyyflusst, d Stadt lyt im Schatte vum Owen-Stanley-Gebirg. Di beede Windsyschtem Passat un Monsun ferdere großi Wassermängine no Papua-Neiginea, si bewirke Niderschlagsmängine vu bis iber 5000 mm im Zäntrum vu dr Insle Neiginea. Dert rägne sich d Wulke ab, wäge däm isch Port Moresby mit ere jehrlige Niderschlagsmängi vu 1.250 mm relativ drucke fir d Region. D Luftfychtigkait lyt im Allgmaine zwische 70 und 85 %.

S Wätter wird dur zwoo Hauptwindstremige bstimmt: dr Sidoschtpassat blost vu Mai bis Oktober un dr Nordweschtmonsun vu Dezämber bis Merz. Fir d Trope typischi Zyklon un Hurrikan het s in däre Gegnig relativ sälte, in dr Bärge het s aber vil Gwitterstirm. Vor dr schwäre Stirm, wu s als in dr weschtlige Kischteregione het, isch d Stadt aber dur d Bärg gschitzt.

Monatlichi Durchschnittstemperature und -niderschläg für Port Moresby Jan Feb Mär Apr Mai Jun Jul Aug Sep Okt Nov Dez Max. Temperatur (°C) 32,1 31,6 31,4 31,3 31,0 30,3 29,9 30,3 31,0 32,0 32,5 32,4 Ø 31,3 Min. Temperatur (°C) 23,7 23,5 23,4 23,5 23,5 23,1 22,4 22,6 23,2 23,5 23,6 23,7 Ø 23,3 Niderschlag (mm) 192,2 140,6 189,8 105,2 56,2 21,6 13,8 12,0 14,4 15,2 40,0 97,8 Σ 898,8 Regetäg (d) 18 16 18 11 9 6 4 4 5 5 6 12 Σ 114 T e m p e r a t u r 32,1 23,7 31,6 23,5 31,4 23,4 31,3 23,5 31,0 23,5 30,3 23,1 29,9 22,4 30,3 22,6 31,0 23,2 32,0 23,5 32,5 23,6 32,4 23,7 Jan Feb Mär Apr Mai Jun Jul Aug Sep Okt Nov Dez N i e d e r s c h l a g 192,2 140,6 189,8 105,2 56,2 21,6 13,8 12,0 14,4 15,2 40,0 97,8   Jan Feb Mär Apr Mai Jun Jul Aug Sep Okt Nov Dez Quelle: PNG National Weather Service

Gschicht

Dr Stamm vu dr Motu läbt syt rund 2.000 Johr in dr Gegnig vum Port Moresby. As erschte Europäer het dr britisch Forscher John Moresby anne 1873 die Hafebucht entdeckt. Wu im Johr 1884 Großbritannie s Land zum Protektorat Britisch-Neiginea (British New Guinea) erklert ghaa het, isch Port Moresby Hauptstadt wore un isch s bi hite blibe. E japanischi Eroberig isch in dr Schlacht im Korallemeer vu dr Alliierte verhinderet wore.

• 
  Im Stadtdail Koki
• 
  Armeviertel Hanuabada
• 
  Strand „Ela Beach“

Partnerstedt

• Jinan, Provinz Shandong, Volksrepublik China) (1988)
• Townsville in Queensland, Auschtralie (1983)
• Palm Desert, Kalifornie, USA)
• Port Numbay, Provinz Papua, Indonesie

Weblink

 Commons: Port Moresby – Sammlig vo Multimediadateie

• D Hauptstadt Port Moresby
• Websyte vu dr Stadtverwaltig Port Moesby