Kiene

Kiene (IPA: [ˈkɪə̯nə]; frz. Kunheim, ditsch Künheim) ìsch e frànzeesche Gmein ìm Owerelsàss ìn dr Region Grand Est (bìs 2015 Region Elsàss). D Gmein ghert zem Kanton Anze un zem Arrondissement Colmar-Ribeauvillé. D Ortschaft isch e Mitglid vum interkommunale Zweckverband Pays Rhin - Brisach.

Kiene
Verwàltung
Land	Frànkrich
Region	Grand Est
Département	Haut-Rhin (68)
Arrondissement	Colmar-Ribeauvillé
Kànton	Anze
Kommünàlverbànd	Pays Rhin - Brisach
Àmtliga Nàma	Kunheim
Maire	Jill Köppe-Ritzenthaler (2014-2020)
Code Insee	68172
Poschtlaitzàhl	68320
Iiwohner
Iiwohner	1.835
Flech	11,75 km2
Bevelkerungsdicht	151,57 Iiw./km2
Làg
Koordinate	48° 04′ 35″ N, 7° 32′ 04″ E
Heche	185 m
Kiene Kiene (Frànkrich)
Website
http://kunheim.fr/

Geographi

Kiene lijt guet 1,5 km weschtlich vum Rhin gegeniwer vun Rootwiil im Kaiserstüehl in dr Owerrhineweni. Weschtlich vum Ortsrand verläuft dr Rhone-Rhin-Kanal. Südlich vum Ort mündet in säller Kanal dr Nej-Brisacher Kanal ine, wo vum Rhin herkummt. Am Rhin sälwer lijt e grossi Industrizone.

Gschicht

Die erscht urkundlich Erwähnung vu Kiene stammt us ere Urkund vu anno 785 (Cuonenhaim). Anno 1766 isch dr Ort zum Schutz vor dr widerholte Iwerschwemmunge vum Rhin um 1 km verlegt worre. Betroffe sin 32 Familie un demit insgsamt schätzungswiis 200 Lit gsin. Zuer Hilf bi dr Umsiedlung hän die umligende Dörfer Manne und Fuhrwerker gstellt.

Vun 1871 bìs 1918 hàt d Gmein zem ditsche Richslànd Elsàss-Lothringe ghert.

Am Afang vum 2. Weltkrieg 1939 isch d'Dorfbevölkerung greschteteils uf Casteljaloux im Département Lot-et-Garonne evakuiert worre. Säll Ereignis isch 60 Johr später im Jüni 1999 Alass fier d'Begründung vu ere offizielle Gmeindpartnerschaft (Jumelage) zwische dr beide Kommune gsin..

Bim ditsche Frankrichfeldzug isch dr Ort am 16. Jüni 1940 unter schwerem ditsche Artilleriebeschuss gläge, un äu wiider nooch dr durch amerikanischi Truppe erfolgte Befreiung vun dr Naziherrschaft am 02. Februar 1945.

Verwàltung

D Maire vun Kiene ìsch d Jill Köppe-Ritzenthaler. Kiene ghert zem Kommünàlverbànd Pays Rhin - Brisach.

Wirtschaft

Dr Usbau vum Rhin in dr 1950er Johre (Rhinsidekanal, Schlingelösung, zwische Brisach un Strossburg) het mer z'Kiene un z'Biese dezue gnutzt, e gmeinsami Industrizone entlang vum Rhin z'errichte, wo no namhafti Konzerne Produktionsstätte errichtet hän.

Dr Rhin, wo in dr 1920er un 1930er Johre noch e Grenzfluss gsin isch, isch mit dr europäische Einigung zue dr wichtigschte Schifffahrtsstross in dr wichtigschte industrielle Kernregion vun Europa worre, Kiene meh noch wie s'Elsass, vu ere gfährdete Grenzlag in e ginschtigi Zentrallag gruckt un demit fier Investore attraktiv worre.

Bevölkerung

S'Dorf het mittlerwili iwer 1600 Inwohner un sich demit sit 1960 meh wie verdoppelet. Örtlichi Regionalsproch isch Elsàsserditsch.

Johr	1962	1968	1975	1982	1990	1999	2006	2012
Inwohner	600	752	1035	1179	1313	1569	1742	1800

Weblink

•  Commons: Kiene – Sammlig vo Multimediadateie
• Internetuftritt vum Brisàcher Land