Alemannische Wikipedia

Kylian Mbappé

Dr Kylian Mbappé Lottin [kiljan m͡bape lɔtɛ̃] (* 20. Dezamber 1998 z’ Pàriis) ìsch a frànzeescher Füassbàllschpììler, wo àls Schtìrmer schpììlt. Ar schteht biim Paris Saint-Germain ìn dr Ligue 1 unt’r Vertrààg un ìsch Mìtglììd ìn dr frànzeescha A-Nàzionààlmànnschàft. Bii dr Waltmaischterschàft 2018 ìsch’r ìm Àlter vu 19 Joohra Waltmaischter worra un ìsch àls bäschter junger Schpììler vum Turniar üsszaichent worra.

Kylian Mbappé
Dr Kylian Mbappé ànna 2019
Personalia
Name Kylian Mbappé Lottin
Wänn uf d Wält choo 20. Dezamber 1998
Wo uf d Wält choo Pàriis, Frànkrììch
Größi 178 cm
Position Schturm
Junioren
Johr Station
2004–2011 AS Bondy
2011–2013 INF Clairefontaine
2013–2015 AS Monaco
Herre
Johr Station Spil (Tor)1
2015–2016 AS Monaco B 12 0(4)
2015–2017 AS Monaco 41 0(16)
2017– Paris Saint-Germain 156 (131)
Nationalmannschaft
Johr Uuswahl Spil (Tor)2
2014 Frànkrììch U17 2 0(0)
2016 Frànkrììch U19 11 0(7)
2017– Frànkrììch 59 0(28)
1 Aagää sind nur Ligaspiil.
Stand: 13. November 2022

2 Stand: 25. September 2022

Dialäkt: Mìlhüüserdiitsch

siina Fàmìlia, Kìndhait un Jungendsjoohra

ändere

Dr Kylian Mbappé Lottin ìsch àm 20. Dezamber 1998 ìm 19. Arrondissement vu Pàriis uff d’ Walt kumma.[1] Ar schtàmmt vun’ra Schportlerfàmìlia. Sii Vàtter Wilfrid Mbappé Lottin ìsch z’ Douala ìm Kamerun uff d’ Walt kumma;[2] ar ìsch z’ äärscht Füassbàllschpììler gsìì un ìsch schpeeter Trääner vu da U15 ìm Verain Association sportive de Bondy nordäschtlig vu Pàriis worra.[3] D’ Müatter Fayza Lamari hàt vun Àlgeeria gschtàmmt[4][5] un hàt z’ Bondy gwoohnt.[2] Sa ìsch bis 2001 ìm gliicha Verain Hàndbàllschpììlera ìn dr frànzeescha Diwisioon 1 gsìì.[6] Ìm Kylian Mbappé siina Äältra hann àui dr klaina Jirès Kembo Ekoko (* 1988), dr Suhn vum zairischa Nàzionààl-Füssbàllschpììler Jean Kembo uba Kembo ärzooga, kurz nohdam àss’r ìn Frànkrììch kumma-n-ìsch;[7] àlso lüagt’na dr Mbappé àls sii äälter Brüader. Dr Jirès ìsch ànna 2006 Profi-Füassbàller worra un hàt ìn dr frànzeescha Nàzionààlmànschàft vu da U21 gschpììlt. Naawadràà hàt dr Kylian a jìnger Brüader nàmmens Ethan.[8]

Ìn siinera Kìnderjoohra-n-ìsch dr Kylian Mbappé ìn a prìwààta kàthoolischa Schüal z’ Bondy gànga. Ìn dr Schüal ìsch’r ìwwergschäit àwwer sehr unkàmpelt gsìì.[9] Ànna 2004 hàt’r ìm Verain AS Bondy fànga-n-àà Füassbàll schpììla[10] — ’s ìsch zwààr a klainer Verain, àwwer mehrera Profischpììler wia dr Sébastien Corchia, dr Steven Joseph-Monrose un dr Jonathan Ikoné hann doo ààgfànga.

Ànna 2011 ìsch dr Mbappé gwählt worra, fìr Tail vum Joohrgàng 1998 ìm Nàzionààla Füassbàll-Ìnschtitüüt z’ Clairefontaine wara, zamma mìt’m Arnaud Nordin.[11] Ar ìsch ìn d’ Sekundààrschüal Catherine-de-Vivonne z’ Rambouillet gànga; d’rwìllscht hàt’r witter àn da Wuchanander mìt’m AS Bondy gschpììlt.[12] Noh dr Vorbìldung z’ Clairefontaine hann mehrera frànzeescha un üsslandischa Verainer mìt’m Mbappé Kontàkt uffgnumma, drunter d’ Girondins de Bordeaux un dr SM Caen — mìt wällem’r a Grundsàtzverainbààrung àbgschlossa hàt[13][14] —, dr Real Madrid un dr FC Chelsea. Dr Mbappé ìsch jedoch ìns Bìldungszäntrum vum AS Monaco gànga ge schpììla — d’ Mànnschàft vu Monaco ìsch grààd wììder ìn d’ Ligue 1 uffgschtììga gsìì.[15][16]

Ìm Septamber 2014 ìsch dr Mbappé zem äärschta Mol ìn d’ frànzeescha Nàzionààlmànnschàft vu da U17 berüafa worra. D’ Schpììlzitt 2015/16 hàt’r ààgfànga mìt dräi uffànanderfolgenda Doppelpàcka mìt dr U19-Mànnschàft vum AS Monaco ärziilt.[17] Kurz schpeeter hàt’r zem äärschta Mol mìt dr Resarwamànnschàft vum Verain gschpììlt, ìn dr CFA. Mìt dara Mànnschàft hàt’r ìm Nowamber 2015 sii äärscht Toor gschossa.[18]

Ìm Septamber 2016 hàt dr Mbappé a täcknologischa-n-Àbitüür (STMG) bschtànda.[19][20]

Verainskàrriar

ändere

Biim AS Monaco (2015–2017)

ändere
 
Dr Kylian Mbappé bii’ma Ligue 1-Schpììl geega dr AS Nancy-Lorraine àm 6. Mai 2017. Doo gìbt’r dr Bàll ìm Thomas Lemar un dr Lemar schiasst a Toor

Sii äärscht Schpììl ìn dr frànzeescha Ligue 1 hàt dr Mbappé àm 2. Dezamber 2015 geega dr Stade Malherbe de Caen gschpììlt (1–1). Ar ìsch numma 16 Joohra un 11 Moneeta àlt gsìì. Àn dr 88. Schpììlminüüta hàt’r dr Fábio Coentrão ärsätzt. Domìt ìsch’r dr jìngschta Schpììler vum AS Monaco ìn dr Ligue 1 worra — sitter 1994 hàt dr Rekord zem Thierry Henry gheert ghàà.[21][22] Daa Rekord hàt dr Pietro Pellegri ànna 2018 gebrocha.[23][24] Àm 20. Hornung 2016 hàt dr Mbappé sii äärscht Toor àls Profischpììler ärziilt, ìn dr Noochschpììlzitt geega dr ES Troyes AC (3–1). Mìt 17 Joohra un 62 Taaga-n-ìsch’r domìt dr jìngschta Toorschìtza ìn dr Gschìchta vum AS Monaco worra — àui doo hàt’r dr Rekord vum Thierry Henry gebrocha.[16][25]. Àm 6. März 2016 hàt dr Mbappé sii äärschter Profi-Vertrààg mìt’m AS Monaco unterzaichent — ’s ìsch a Vertrààg fìr dräi Joohra gsìì, bis ìm Jüüni 2019. Ìwwer d’ Verhàndlunga hàt maa vììl ìn da Meedia grädd.[26][27]

Ìm Mai 2016 hàt dr Mbappé zamma mìt dr U-19-Mànnschàft vum AS Monaco d’ Coupe Gambardella gwunna. Àm Andschpììl vum Pokààl hàt’r a Doppelpàck geega dr RC Lens ärziilt.[28] A pààr Wucha schpeeter hàt’r zamma mìt dr frànzeescha Nàzionààlmànnschàft vu da U-19 d’ Öiropàmaischterschàft gwunna. Ìn dr Maischterschàft hàt’r viar Toora-n-ärziilt — àui doo ìsch’r jìnger àls 17 gsìì.[29]

Wahrem Summer-Transfermàrkt 2016 hàt dr anglischa Verain Manchester City FC dr Mbappé fìr 40 Millioona Öiro wälla loo transferiara, àwwer dr AS Monaco hàt s’ Ààgebot àbglahnt.[30]. Àm 11. Hornung 2017 hàt dr Mbappé sii äärschter Dräjerpàck ìn dr Ligue 1 geega dr FC Metz ärziilt (5–0). Zehn Taaga schpeeter hàt’r sii äärscht Toor ìn dr UEFA Champions League geega Manchester City ärziilt — dr AS Monaco ìsch jedoch mìt 5–3 gschlààga worra.[31] Domìt ìsch’r noh-n-em Karim Benzema dr zwaitjìngschta Toorschìtza-n-ìm Turniar worra.[32]

D’rnooh hàt dr Mbappé mehrera Rekorda gebrocha: àm 5. März 2017 hàt’r àls jìngschter Schpììler 10 Toora ìn dr Ligua gschossa noh-n-ema Doppelpàck geega dr FC Nantes.[33]. Àm 12. Àwrìl hàt’r sii äärschter Doppelpàck ìn dr Champions League ärziilt — dàs ìsch ìm Hìnschpììl vum Viartelfinààla geega dr Borussia Dortmund gsìì. Ìm Ruckschpììl hàt’r àls jìngschter Schpììler sii fìmfter Toor ìm Turniar gschossa; ar ìsch àui dr jìngschta Schpììler worra, wo ìn jeedem vu da viar äärschta Schpììler ìn dr K.-o.-Runda vu dr Champions League mìndeschtens ain Toor ärziilt hàt.[34] Àn dr Hàlbfinààla geega dr Juventus FC ìsch’r nochamol dr jìngschta Toorschìtza worra — dr AS Monaco ìsch àwwer vum itàlianischa Verain gschlààga worra.[35]

Àm 17. Mai 2017 hàt’r zamma mìt’m AS Monaco d’ Ligue 1 gwunna — domìt hàt dr Verain dr Tìtelvertaidiger Paris SG gschlààga. Dr Mbappé hàt ìnsgsàmt 15 Toora gschossa — dàs hann àui viar àndra Schpììler gmàcht, àwwer dr Mbappé ìsch numma 1.500 Minüüta làng uff’m Fald gsìì.

Mìt’m Paris Saint-Germain (sitter 2017)

ändere

Rekorda un Top 10 ìm Ballon d’Or (2017–2018)

ändere

Dr Mbappé hàt àm 8. Septamber 2017 sii äärscht Schpììl mìt’m Paris SG geega dr FC Metz gaa. Doo hàt’r sii äärscht Toor mìt dr Verainsmànnschàft gschossa — s’ Schpììl hàt dr Paris SG mìt 5–1 gwunna.[36] Viar Taaga schpeeter hàt’r zem äärschta Mol zamma mìt dr Pàriiser Mànnschàft àn’ma öiropäischa Schpììl mìtgmàcht, geega dr Celtic Glasgow — ’s ìsch a 5–0-Siig gsìì. Doo hàt’r s’ zwaita Toor vum PSG gschossa.[37] Mìt 18 Joohra un 9 Moneeta-n-ìsch’r àlso dr jìngschta Toorschìtza vum PSG ìn dr Champions League worra — ar hàt domìt dr Rekord vu siim Mànnschàftspàrtner Marquinhos gebrocha.[38] Àm 27. Septamber 2017 hàt dr Mbappé ìm Schpììl geega dr Bayern Munich ìn da Àuiga vu da Kritika-n-a sehr güata Laischtung ärziilt: Ar hàt zwai äntschaidanda Pass gmàcht un ìsch àls bäschter Schpììler vum Schpììl gwählt worra — s’ Schpììl hàt dr PSG mìt 3—0 gwunna.[39] Noh dam Schpììl hann mehrera Pärseenlikaita dr Mbappé gràtuliart, wia dr Carlo Ancelotti un dr Neymar, wo gsajt hàt, àss’r amol dr Ballon d’Or kààt gwìnna.[40][41] Dr Arsène Wenger hàt gsajt, àss dr Mbappé a „näijer Pelé“ kààt wara.[42]

Àm 23. Oktoower 2017 ìsch dr Mbappé àls „Golden Boy“ ärnännt worra — ’s ìsch a öiropäischa Üsszaichnung fìr dr bäschta Füassbàllschpììler jìnger àls 21.[43] Ìn da Wucha druff hàt àwwer dr Mbappé nìt go güat gschpììlt, àlso hann d’ Meedia gfrooga, ob’r Fäschtschpììler ìm PSG kààt bliiwa.[44] Ar hàt àwwer schpeeter wittera Toora gschossa, z’äärschta geega dr SCO Angers (Doppelpàck fìr a 0–5–Siig) un geega dr RC Schtroossburi Elsàss (1 Toor fìr a 2–1–Nììderlààg) ìn dr Liga 1. Àui ìn dr Champions League hàt’r wittera Toora gschossa, wia geega dr Celtic FC (1 Toor fìr a 7–1–Siig) un geega dr Bayern Mìncha (1 Toor fìr a 3–1–Nììderlààg). Àm 7. Dezamber 2017 ìsch dr Mbappé bii dr Verlaihung vum Ballon d’Or 2017 uff Plàtz 7 kumma — doo ìsch’r dr bäschta Frànzooser gsìì. Ar ìsch dr jìngschta Schpììler ìn dr Gschìcht, wo ìm Top 10 vum Ballon d’Or ànakumma-n-ìsch.[45] Àm 20. Dezamber 2017, siim 19. Geburtstààg, ìsch’r nochamol Fäschtschpììler gsìì un hàt a Toor d’haim ìm Parc des Princes geega Caen ìn dr 19. Journée de Ligue 1 gschossa. Domìt ìsch’r mìt 33 Toora bäschter frànzeescher Toorschìtza worra, vor dr Alexandre Lacazette, wo ìn dr anglischa Premier League gschpììlt hàt.

Ìn’ma Schpììl geega dr Olympique Lyonnais ìsch dr Mbappé haftig geega dr Toorhiater Anthony Lopes gschtoossa un ìsch domìt verlätzt worra. Ar hàt àlso s’ Schpììlfald müassa fààraloo.[46][47] S’ Schpììl hàt dr PSG verloora. Àm 30. Janner 2018 hàt’r ìm Hàlbfinààla vum frànzeescha Liigapokààl geega Rennes siina äärschta rota Kàrta bikumma, wial’r a Foul geega dr Ismaïla Sarr veriawt hàt — d’r Sarr hàt s’ Schpììlfald uff’ra Trààgbàhra fààraloo.[48]

Àm 21. Hornung 2018 ìsch dr Mbappé vum frànzeescha Presidànt Emmanuel Macron iiglààda worra, fìr a Mìttàgassa àm Elysée-Pàlàscht mìtmàcha, fìr dr ehamààliga Füassbàller George Weah ehra, wo àls Presidànt vum Liberia gwählt worra-n-ìsch. Doo sìnn vììla berìahmta Schportler kumma.[49]

Ìm Schpììl geega dr Olympique de Marseille àm 25. Hornung 2018 hàt dr Mbappé s’ äärschta Toor gschossa un ìsch domìt dr jìngschta Toorschìtza ìn’ma Schpììl geega dr OM ìn dr Ligue 1 worra — ar ìsch mìt 19 Joohra, 2 Moneeta un 8 Taaga àlt gsìì. Domìt hàt’r dr Rekord vum ehamààliga Marseiller Schpììler Samir Nasri vum 10. Septamber 2006 gebrocha.[50]. Àm 31. März 2018 hàt’r d’ Coupe de la Ligue geega dr AS Monaco (3–0) gwunna — ’s ìsch siina äärschta Tìtelgwìnnung mìt’m PSG. D’rzüa ìsch’r àls bäschter Schpììler vum Schpììl gwählt worra. Schpeeter ìsch’r mìt dr Verainmànnschàft frànzeescher Maischter worra. Ìn dr frànzeescha Ligue 1 hàt’r bii da bäschta Toorschìtza vu dr Saison gezehlt, mìt 15 gschoossana Toora.[51] Siina Mànnschàftspàrtnera ìm PSG hann’na dr Ìwwernamma „Donatello“ gaa.[52]

Lìteràtüür

ändere
  • Todd Kortemeier: Kylian Mbappe: World soccer sensation (= Star athletes). ABDO, Minneapolis 2020, ISBN 978-1-5321-1990-3 (amerikanisches Englisch, 112 S.).
  • Cyril Collot, Luca Caioli: Mbappé : le petit prince. Marabout, Vanves 2018, ISBN 978-2-501-13050-9 (französisch, 176 S.).
  • Matt Oldfield, Tom Oldfield: Ultimate Football Heroes: Mbappe. John Blake Publishing, ISBN 978-1-78946-067-4 (englisch, 176 S.).
ìns Frànzeescha ìwwersätzt vum Félix Huet: Mbappé : Les Superstars du foot. Éditions Albin Michel, Pàriis 2019, ISBN 978-2-226-43998-7 (208 S.).
  • Martin Leprince: Kylian Mbappé, rendez-vous avec l'éternité : biographie. Éditions Mareuil, Pàriis 2019, ISBN 978-2-37254-113-8 (französisch, 250 S.).
  • Arnaud Hermant: Mbappé, le phénomène. Éditions de l’Archipel, Pàriis 2019, ISBN 978-2-8098-2648-7 (französisch, 192 S.).
  • France Football: Kylian Mbappé : "Personne ne peut vous interdire de rêver". Éditions Solar, Pàriis/Boulogne-Billancourt 2019, ISBN 978-2-263-16134-6 (französisch, 125 S.).
  • Kylian Mbappé, Faro (Bìlder): Je m'appelle Kylian. KM Éditions, 2021, ISBN 978-2-9578624-0-5 (französisch, 220 S.).

Weblìnks

ändere
  Commons: Kylian Mbappé – Sammlig vo Multimediadateie

Ainzelnoohwiisa

ändere
  1. ↑ Geburtsschiin Nr. 4993/1998 ìm Roothüüs vum Pàriiser 19. Arrondissement (àbgrüafa-n-àm 5. Janner 2018).
  2. ↑ 2,0 2,1 Collot, Caioli 2018.
  3. ↑ Kylian Mbappé en Bleu, la fierté de Bondy. In: Le Parisien. 23. März 2017, archiviert vom Original am 10. August 2022; abgruefen am 29. November 2022 (französisch).
  4. ↑ Kylian Mbappé aurait pu jouer pour deux autres pays que la France. In: sport.gentside.com. 24. Mai 2017, archiviert vom Original am 10. August 2022; abgruefen am 29. November 2022 (französisch).
  5. ↑ Kylian Mbappé : « Je ne peux renier mes origines algériennes ». In: afriquesports.net. 13. Oktober 2020, archiviert vom Original am 10. August 2022; abgruefen am 29. November 2022 (französisch).
  6. ↑ Les Mbappé : une vraie famille de sportifs. In: Le Parisien. 23. März 2017, archiviert vom Original am 14. November 2022; abgruefen am 29. November 2022 (französisch).
  7. ↑ « Mes parents m'ont envoyé en France pour que j'aie une meilleure vie ». In: Sofoot. Archiviert vom Original am 10. August 2022; abgruefen am 29. November 2022 (französisch).
  8. ↑ Le clan Mbappé, une sacrée famille de sportifs. In: Ouest-France. 24. August 2017, S. 15 (französisch, ouest-france.fr [abgerufen am 7. Mai 2023]).
  9. ↑ Jérémy Patrelle: 10 trucs que l’on a appris sur Kylian Mbappé dans le docu "Kylian, hors normes" de L’Équipe. In: GQ France. Archiviert vom Original am 6. März 2023; abgruefen am 7. Mai 2023 (französisch).
  10. ↑ Kortemeier 2020, S. 16
  11. ↑ Remi Dupré, Henri Seckel: Promo 98 (1/6) : les yeux dans les petits Bleus. In: Le Monde. 13. Oktober 2011, abgruefen am 29. November 2022 (französisch).
  12. ↑ « Kylian, ce n'est clairement pas le Bondynois type » - Les Cahiers du football. In: Cahiers du football. Archiviert vom Original am 10. August 2022; abgruefen am 29. November 2022 (französisch).
  13. ↑ Guillaume Lainé: Le jour où Kylian Mbappé aurait dû signer au SM Caen. In: Ouest-France. 16. März 2017, archiviert vom Original am 10. August 2022; abgruefen am 29. November 2022 (französisch).
  14. ↑ Promo 98 (4/6) : dans les petits papiers des recruteurs. In: Le Monde. 16. März 2012, abgruefen am 29. November 2022 (französisch).
  15. ↑ Gilles Tournoux: Kylian, 14 ans, séduit les plus grands d'Europe. In: Le Parisien. 16. Juli 2013, archiviert vom Original am 19. Oktober 2022; abgruefen am 29. November 2022 (französisch).
  16. ↑ 16,0 16,1 Rémi Dupré, Henri Seckel: Football : la nouvelle vie de la promo 98 de Clairefontaine, temple de la préformation. In: Le Monde. 5. Mai 2016, abgruefen am 29. November 2022 (französisch).
  17. ↑ Les U19 et Mbappé brillent. (Nicht mehr online verfügbar.) AS Monaco FC, 6. September 2015, archiviert vom Original am 8. September 2015; abgruefen am 29. November 2022 (französisch).
  18. ↑ Saison 2015/2016 en CFA Groupe C avec Monaco. In: Foot National. 2016, abgruefen am 29. November 2022 (französisch).
  19. ↑ Tout ce que vous ne savez pas encore sur Kylian Mbappé. Il a obtenu son bac au rattrapage. In: L’Internaute. 28. August 2017, abgruefen am 29. November 2022 (französisch).
  20. ↑ Louis Heidsieck: Les études des Bleus: qui est le plus diplômé ? In: Le Figaro Etudiant. Archiviert vom Original am 7. April 2022; abgruefen am 29. November 2022 (französisch).
  21. ↑ Yannick Pelayo: Record de précocité pour Kylian Mbappe-Lottin. (Nicht mehr online verfügbar.) AS Monaco, archiviert vom Original am 18. August 2017; abgruefen am 7. April 2023 (französisch).
  22. ↑ AS Monaco vs. SM Caen – 2. Dezember 2015. In: Soccerway. Abgruefen am 5. Juli 2023.
  23. ↑ Fabien Borne: AS Monaco : Kylian Mbappé félicite Pietro Pellegri pour son record de précocité. Eurosport, 16. Februar 2018, abgruefen am 7. Mai 2023 (französisch).
  24. ↑ Thomas Siniecki: ASM: Mbappé perd un record, mais félicite son successeur. In: football.fr. 16. Februar 2018, archiviert vom Original am 7. Mai 2023; abgruefen am 7. Mai 2023 (französisch).
  25. ↑ European round-up: What you might have missed. BBC Sport, 21. Februar 2016, archiviert vom Original am 6. März 2023; abgruefen am 7. Mai 2023 (britischs Änglisch).
  26. ↑ Ligue 1 - SM Caen - AS Monaco : Kylian Mbappé, itinéraire d’un talent pressé. Eurosport, 4. März 2016, abgruefen am 7. Mai 2023 (französisch).
  27. ↑ Premier contrat professionnel pour Kylian Mbappé. (Nicht mehr online verfügbar.) AS Monaco, 6. März 2016, archiviert vom Original am 11. Mai 2016; abgruefen am 7. Mai 2023 (französisch).
  28. ↑ Monaco remporte la Coupe Gambardella pour la 4e fois. In: L’Équipe. 21. Mai 2016, archiviert vom Original am 6. März 2023; abgruefen am 7. Mai 2023 (französisch).
  29. ↑ Mathieu Faure: Mbappe, joueur frisson. In: Nice-Matin. 23. Oktober 2016, abgruefen am 7. Mai 2023 (französisch).
  30. ↑ [Internetquelle: archiv-url ungültig Monaco : Kylian Mbappé a été courtisé par City.] In: L’Équipe. Archiviert vom Original; abgruefen am 7. Mai 2023 (französisch).
  31. ↑ Manchester City vs. AS Monaco, 21.02.2017. In: Transfermarkt.de. Abgruefen am 7. Mai 2023.
  32. ↑ Kylian Mbappé devient le deuxième plus jeune buteur français de l'histoire de la Ligue des champions. In: L’Équipe. 21. Februar 2017, archiviert vom Original am 6. März 2023; abgruefen am 7. Mai 2023 (französisch).
  33. ↑ Monaco, le nouveau record de précocité de Mbappé. In: Goal.com. 5. März 2017, archiviert vom Original am 27. März 2017; abgruefen am 7. Mai 2023 (französisch).
  34. ↑ Mbappé bat des records de précocité en Ligue des champions. In: L’Équipe. Archiviert vom Original am 6. März 2023; abgruefen am 7. Mai 2023 (französisch).
  35. ↑ Kylian Mbappé plus jeune buteur de l'histoire des demi-finales de Ligue des champions. In: L’Équipe. 9. Mai 2017, archiviert vom Original am 6. März 2023; abgruefen am 7. Mai 2023 (französisch).
  36. ↑ Vincent Gibert zamma mìt dr AFP: Metz-PSG: premier but de Kylian Mbappé sous le maillot parisien. In: Huffington Post. 8. September 2017, archiviert vom Original am 17. Januar 2023; abgruefen am 7. Mai 2023 (französisch).
  37. ↑ Celtic Glasgow - FC Paris Saint-Germain, 12.09.17. In: Transfermarkt.de. Abgruefen am 7. Mai 2023.
  38. ↑ Kylian-mbappe-devient-le-plus-jeune-buteur-du-psg-en-coupe-d-europe. 12. September 2017, archiviert vom Original am 6. März 2023; abgruefen am 7. Mai 2023 (französisch).
  39. ↑ PSG-Bayern Munich: Ce match de Mbappé les enfants, c'était vraiment du grand art. In: 20 Minutes. Archiviert vom Original am 6. März 2023; abgruefen am 7. Mai 2023 (französisch).
  40. ↑ Aurélien Léger-Moëc: PSG : Kylian Mbappé a mis tout le monde d’accord ! In: Foot Mercato. 28. September 2017, archiviert vom Original am 27. August 2022; abgruefen am 7. Mai 2023 (französisch)..
  41. ↑ zamma mìt dr AFP: PSG : Neymar voit Kylian Mbappé «briguer le Ballon d'Or». In: L’Équipe. 28. September 2017, archiviert vom Original am 6. März 2023; abgruefen am 7. Mai 2023 (französisch).
  42. ↑ David Fernandes: Pour Arsène Wenger, Kylian Mbappé peut devenir le nouveau Pelé. In: Yahoo.com. 3. September 2017, archiviert vom Original am 17. März 2023; abgruefen am 7. Mai 2023 (französisch).
  43. ↑ A.C: PSG : Mbappé élu Golden Boy 2017. 23. Oktober 2017, archiviert vom Original am 17. Januar 2023; abgruefen am 9. Mai 2023 (französisch).
  44. ↑ Avec Di Maria, sans Mbappé contre Anderlecht ? In: footmercato.net. Archiviert vom Original am 27. August 2022; abgruefen am 9. Mai 2023 (französisch).
  45. ↑ Mbappé 7e du Ballon d'Or : Une performance historique. Eurosport, 7. Dezember 2017, abgruefen am 9. Mai 2023 (französisch).
  46. ↑ AFP: PSG: Mbappé évacué sur une civière à Lyon, diagnostic rassurant. In: Le Point. 21. Januar 2018, archiviert vom Original am 2. Mai 2021; abgruefen am 9. Mai 2023 (französisch).
  47. ↑ S.C.: Lyon - PSG : la sortie de Lopes sur Mbappé méritait-elle un pénalty ? In: Le Parisien. 23. Januar 2018, archiviert vom Original am 21. Januar 2022; abgruefen am 9. Mai 2023 (französisch).
  48. ↑ Kylian MBappé a pris le 1er carton rouge de sa carrière [vidéo]. Mouv’, 31. Januar 2018, abgruefen am 9. Mai 2023 (französisch).
  49. ↑ AFP: Kylian Mbappé à la table du président Emmanuel Macron en l'honneur de George Weah. In: L’Équipe. 20. Februar 2018, archiviert vom Original am 6. März 2023; abgruefen am 7. Mai 2023 (französisch).
  50. ↑ Kylian Mbappé, plus jeune buteur de l'histoire lors d'un Classique. In: Culture PSG. Archiviert vom Original am 17. Januar 2023; abgruefen am 9. Mai 2023 (französisch).
  51. ↑ Classement buteurs Ligue 1 2016-2017. In: L’Équipe. Archiviert vom Original am 13. Mai 2023; abgruefen am 9. Mai 2023 (französisch).
  52. ↑ Alexandre Jaquin: PSG : pourquoi Mbappé est surnommé “Donatello” dans le vestiaire. RMC Sport, archiviert vom Original am 18. Dezember 2022; abgruefen am 9. Mai 2023 (französisch).
  Dä Artikel basiert uff ere fräie Übersetzig vu dere Version vum Artikel „Kylian_Mbappé“ vu de französische Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Kylian_Mbappé&oldid=1050434"