Lab
S Lab isch e Mischig us de Enzym Chymosin und Pepsin, wo us em Labmaage vo junge Widerchöijer, wo no Milch drinke, chunnt und brucht wird zum s Milchäiwiss uszfelle bi dr Härstellig vo Chääs.[1][2]
Vor allem s Chymosin dickt d Muetermilch ii und macht sä so verdaubar. Jede Süüger broduziert in sim Maage e spezielli Form vo Chymosin, zum s Milchäiwiss – s Kasein – im Maage uszfelle. Bim Mensch häisst das Enzym Chymotrypsin.
D Süessmilchchääs, wo dur d Süessmilchrünnig broduziert wird, brucht Lab oder Labusduschstoff as Zuesatzstoff zur Koagulazion vo dr Milch. Fast alli bekannte Hert- und Schnittchääsarte wärde eso gmacht. Au im Früschchääs, wo im allgemäine dur Suurmilchrünne mit Hilf vo Milchsüüribakterie us Kwark oder Joghurt härgstellt wird, cha Lab din si.[3][4][5]
D Äigeschaft vom Lab, wo s Milchäiwiss Kasein eso spaltet, ass d Milch dick wird, ooni dass si suur wird, isch scho im Alterdum bekannt gsi und für d Härstellig vo Chees brucht worde. Zum Bischbil verzelt dr Aristoteles, ass s Lab vo junge Hirsch oder Ree bsundrigs guet wurd würke.
Zu de Labusduschstoff ghöre pflanzlichi Produkte wie d Griffel vo de Wilde Artischocke (Cynara cardunculus). Des hät Tradizion in Spanie un Portugal, zum Bischbil bim Schoofchääs Torta del Casar us Extremadura und bi Gäissechääs vo der Insle Ibiza.[6]
Weblingg
ändere- Chemie der Kaseinspaltung chemieunterricht.de
- Labspuren – Spuren von Lab / Artikel uf zalp.ch (Zeitung der Älplerinnen und Älpler, Jubiläumsnummer 10, Sommer 1999) (Memento vom 11. Dezämber 2015 im Internet Archive)
Fuessnoote
ändere- ↑ A. Kumar, S. Grover, J.vo Sharma, V. K. Batish: Chymosin and other milk coagulants: sources and biotechnological interventions. In: Critical reviews in biotechnology. Band 30, Nummer 4, Dezämber 2010, S. 243–258, ISSN 1549-7801. doi:10.3109/07388551.2010.483459. PMID 20524840.
- ↑ G. Bittante, M. Penasa, A. Cecchinato: Invited review: Genetics and modeling of milk coagulation properties. In: Journal of dairy science. Band 95, Nummer 12, Dezämber 2012, S. 6843–6870, ISSN 1525-3198. doi:10.3168/jds.2012-5507. PMID 23021752.
- ↑ Labinformationen für Vegetarier, uf kaeseseite.de (Memento vom 21. Februar 2015 im Internet Archive)
- ↑ Milchprodukte ohne tierisches Lab Merkblatt vo de Migros (Dezember 2019) uf docplayer.org
- ↑ Warum Käse nicht (unbedingt) vegetarisch ist Artikel auf stern.de vom 15. Juni 2020
- ↑ lueg under; Deutsch: Pflanzliches Lab geobotanicapityusa.es
|
Dä Artikel basiert uff ere fräie Übersetzig vu dere Version vum Artikel „Lab“ vu de dütsche Wikipedia. E Liste vu de Autore un Versione isch do z finde. |