Landri de Mont

Dr Landri de Mont († 10. April 1237), au bekannt unter em Name Landrich von Mont, isch vu 1205/06 bis 1237 Bischof vu Sittu gsii.

Läbe

Dr Landri isch us ere waadtländischen Adelsfamilie chuu, wu ihre Stammsitz z Mont-le-Grand ghaa het. Syy Vater Louis giltet as Grinder vu dr Kartuuse Oujon z Arzier. Dr Landri isch anne 1205 oder 1206 zum Bischof vu Sittu gwehlt wore. Im Johr 1217 het er s erscht Sittumer Stadträcht erloo, het 1215 am 4. Laterankonzil dailgnuu un het 1219 e Diözesansynod yybruefe. Dr Landri het anne 1219 e Burg z Savièse un 1232 d Burg La Bâtiaz z Martigny böue loo. Mit dr Abtei Saint-Maurice het er sich anne 1215 iber d Rächtsprächig in mehrere Gmaine vu dr Waadt gainigt. 1224 un 1233 het dr Bischof in Verdreeg Savoye däm sy Vorrangstellig im Unterwallis mießen anerkänne. Är het anne 1236 dr Papscht Gregor IX. us Altersgrind um d Entbindig vu syne Amtspfilchte bätte, bis zue syym Dood isch aber kai Noofolger gwehlt wore.

Literatur

• Louis Carlen: Landrich de Mont. In: Erwin Gatz (Hrsg.): Die Bischöfe des Heiligen Römischen Reiches 1198 bis 1448. Duncker & Humblot, Berlin 2001, ISBN 3-428-10303-3, S. 733–734. 

Weblink

• Gregor Zenhäusern: Mont, Landrich von. In: Historisches Lexikon vo dr Schwiiz.

Vorgänger Wilhelm von Saillon

Bischof vu Sittu 1205/06–1237

Nochfolger Boso II. de Granges

Dä Artikel basiert uff ere fräie Übersetzig vu dere Version vum Artikel „Landri_de_Mont“ vu de dütsche Wikipedia. E Liste vu de Autore un Versione isch do z finde.