Lischte vo de Flugunfäll mit Verchehrsflugzüüg 2021
Das isch d Lischt vo de Flugunfäll mit Verchehrsflugzüüg im Jahr 2021.
Für militärischi Flugunfäll lueg i der Lischte vo de Flugunfäll (Militärluftfahrt) ab 1981.
Für Flugunfäll vo Luftfahrzüüg vo der Allgemeine Luftfahrt lueg i der Lischte vo de Flugunfäll (Allgemeini Luftfahrt).
En Ytrag mit em ne Artikel i der Wikipedia wird mit em ne (A) markiert.
Lischte
ändereJanuar
ändere- 9. Januar – Sriwijaya-Air-Flug 182. E Boeing 737-500 vo der indonesische Sriwijaya Air (Luftfahrzüügskennzeiche PK-CLC) isch vier Minute nach em Start ab em Flughafe Soekarno-Hatta (Indonisie) i d Javasee gstürtzt. Ds Flugzüüg isch uf em Wäg zum Flughafe Supadio z Pontianak gsi. Alli 62 Personen an Bord, 56 Passagier u 6 Besatzigsmitglider, sy derbi ums Läbe cho. Luut de Ufzeichnige vo frei zuegängleche Träcking-Abieter, isch d Gschwindigkeit innert chürzeschter Zyt vo 530 km/h uf öppe 210 km/h gsunke, bevor d Maschine i weniger als 30 Sekunde vo 3300 m uf 76 m gsunken isch. Währed em Sturzflug isch d Gschwindigkeit bis uf 663 km/h gstige, bevor d Ufzeichnige abbroche sy.[1][2]
März
ändere- Am 2. März isch e Let L-410 vo der südsudanesische South Supreme Airlines mit em gfälschte kolumbianische Luftfahrzugskennzeiche HK-4274 churz nach em Start vo nere unbefeschtigte Pischte z Pieri z Südsudan abgstürzt. Da derby si alli 10 Insasse, di beide Pilote u acht Passagiere, ums läbe cho.[3] d Betrybergsellschaft South Supreme Airlines het ds glyche Flugzüüg scho vorhär mit em äbefalls gfälschte gabunische Kennzeiche TR-KSS Betriibe.[4][5]
Mai
ändere- Am 12. Mai isch e Frachtmaschine vom Typ Swearingen SA226-TC Metro II vo der US-amerikanische Key Lime Air (N280KL), wo mit der Charterfrachtflug Key-Lime-Air-Flug 970 düregfüehrt worden isch, isch wäret em Aflug uf e Flughafe Centennial (i der nechi vo Denver, Colorado, USA) mit ere private Cirrus SR22 (N416DJ) kollidiert. Obwohl wäg der Kollision d Rumpfobersyte vo der Metro im hingere Bereich grossflächig uf- u abgrisse worden isch, isch es de Pilote glunge d Maschine unter Kontrolle z bringe u sicher z lande. Der Pilot vo der Cirrus het ds Gsamtrettigssyschtem aktiviert, so dass d Maschine am ne Falschirm uf e Bode het chönne gleite. Bi däm Unfall het's under de insgesamt drei Insasse vo beidne Maschine keiner Todesopfer gä.[6]
Weblink
ändere- Aviation Safety Network, umfassendi Informatione über Flugzüüghavarie (änglisch)
- Flugkatastrophe in der zivile Luftfahrt
- Bundesstell für Flugunfalluntersuchung (Dütschland)
- National Transportation Safety Board (USA) (änglisch)
Quelle
ändere- ↑ Passagierflugzeug von Radar verschwunden. I: Zeit Online. 9. Januar 2021, abgrüeft am 14. April 2021.
- ↑ Crash: Sriwijaya B735 at Jakarta on Jan 9th 2021, lost height and impacted Java Sea. I: The Aviation Herald. 9. Januar 2021, abgrüeft am 9. Januar 2021 (änglisch).
- ↑ Flugunfalldaten und -bericht LET L-410 "HK-4274" im Aviation Safety Network (änglisch), abgrüft am 14. April 2021.
- ↑ Unfallbericht LET L-410 "HK4274", The Aviation Herald (änglisch), abgrüeft am 14. April 2021.
- ↑ Zehn Tote bei Flugzeugunglück im Südsudan abgrüeft am 14. April 2021
- ↑ Flugunfalldaten und -bericht Metro II N280KL im Aviation Safety Network (änglisch), abgrüeft am 14. Mai 2021.
| nach Zyt |
| ||||
| nach Luftfahrzüüg |
| ||||
| nach Ereignis |
|