D Lischte vo de Flugunfäll z Dütschland, git e chronologische Überblich über di wichtigschte Flugunfäll, Flugzüügverluscht u Beinahe-Kataschtrophe i der Gschicht vo der Dütsche Luftfahrt, verursacht im Dütsche Luftruum, vo Dütsche Fluggselschafte oder mit massgäblecher Bedeiligung vo mene Dütsche. I de Lischte sy keiner Unfäll mit Kampfflugzüüg, private Chlyflugzüüg, Helikopter u Ballön verzeichnet.
- 17. Juni 1989 - Interflug-Flug 102 - D Pilote vo nere Iljuschin-62MK vo der Dütsch Demokratische Fluggselschaft Interflug (DDR-SEW) het der Startvorgang uf em Flughafe Berlin Schönefäld (DDR) abbrosche will wäret em Abhäbefersuech ds Höherueder abbrochen isch. Nach em Kommando für e voll Umchehrschub, wo d Tribwärch zum Brämse bringe, het der Flugingenieur e verhängnisfolle Fähler gamcht: Anstatt d Schubumchehr dry z tue het är d Tribwärch abgstellt. Ds Verchehrsflugzüüg isch über d Landebahn us gschosse, isch nachere Kollision mit em ne Hinderniss usenand broche u het Füür gfange. Vo de Lüt am Bode sy vo 113 Mönsche 21 gstorbe.[1]
- 12. Juli 2000 – Hapag-Lloyd-Flug 3378 - E Airbus A310-300 vo der dütsche Hapag-Lloyd Flug (D-AHLB) het uf em Wäg vo Kreta nach Hannover uf em Flughafe Wien muesse notlande. Ds Fahrwärch het sech nach em Start nid vollständig la yfahre. Der Käpten het sech trotz em erhöhte Luftwiderstand zum Wyterflug nach Münche entschide. Der Trybstoffverbruuch isch aber wäg der verschlächterete Aerodynamik starch agstege. Nach ere Flugzyt vo 2:35 Stund sy beidi Triibwärch wäge Kerosinmangel usgfalle. Nume mit vil Glück isch e Gleitflug zum Flughafe Wien-Schwechat wo ds Flugzüüg irreperabel isch beschädiget worde. Vo de 142 Persone sy 26 verletzt worde.[2]
- 1. Juli 2002 – Flugkatastrophe vo Überlinge - Es Passagierflugzüüg vom Typ Tupolew Tu-154, betribe vo der russische Bashkirian Airlines (RA-85816), u e z Bahrein registrierti Frachtmaschine vo der DHL vom Typ Boeing 757 (A9C-DHL) sy über em Bodesee i Owinge i der nechi vo Überlinge in ere Höchi vo 11.000 m zämegstosse u abgstürtzt. Alli 71 Passagier sy töt worde. D Flugzüügkollision isch der schwärschti Flugunfall über Dütschland gsi sit 1986.
- 10. Juli 2002 - Swiss-Flug LX 850 - D Pilote vo nere Saab 2000 vo der Swiss (HB-IZY) het uf em Flug vo Basel nach Hamburg wäg de Schlächtewätterverhältnis uf em Flughafe Berlin-Tegel muesse uswyche. Wäge Tribstoffmangel het d Crew um Vorrang bätte, hei aber beschlosse e Landig uf em teilwys stillgleite Flugplaz Werneuche vorznäh. Nach em Ufsetze het ds Flugzüüg e 1 m höche Härdwall überrollt, daderby sy alli drei Fahrwärchsbei abbroche. D Maschine isch uf em Rumpf lige bliebe u isch mit em ne brönnende Triibwärch zum Stah cho. Es isch e Totalschaden endstande.[3][4]
